Atalǵan áleýmettik jeli arqyly kelgen senimsiz silteme san soqtyrýy múmkin...
Sońǵy ýaqytta WhatsApp jáne Telegram messendjerlerin paıdalana otyryp, azamattardy aldaý jaǵdaılary jıilep ketti, dep habarlaıdy Almaty-akshamy.kz.
Polisia.kz málimetinshe, kóbinese alaıaqtar azamattardyń akkaýntyna silteme túrinde zıandy baǵdarlama hatyn jiberedi. Ádette, siltemede balalarǵa daýys berý, syılyqtar, utys oıyny nemese ártúrli taqyryptarǵa suraq-jaýap, saýalnama jáne t.b. túrinde bolady. Siltemeni basqannan keıin alaıaqtar azamattardyń messendjerine qol jetkize alady. Ári qaraı jábirlenýshilerdiń shotynan qaryzǵa aqsha suraıtyn mátin jiberiledi. Sonymen qatar mundaı hattardy alýshylar bul naqty ótinish dep sanaıdy. Aqsha alý úshin alaıaqtar úshinshi tulǵalardyń shottaryn paıdalanady.
Osyǵan baılanysty İİM azamattardy qyraǵy bolýǵa jáne týystarynan, dostarynan jáne taǵy basqa túsken bolsa da, kúmándi siltemeler boıynsha ótpeýge shaqyrady. Mundaı hattardy alǵan kezde olardy ashpaýǵa jáne jiberýshimen baılanysty birden doǵarýdy usynamyz. Eger siz siltemeni ashqan bolsańyz, tirkelgen nemese baılanǵan bógde qurylǵylardyń bar-joǵyn tekserý qajet.
Ol úshin WhatsAp jáne Telegram messendjerler qosymshasynda BAPTAÝLAR, odan ári – “Qurylǵy baılanystyrý” (Telegram – da – QURYLǴYLAR), onda paralel qosylystar kórsetiledi. Eger qoıyndyda bógde qurylǵy bolsa, sesıadan shyǵý kerek. Jeke derekter men baılanystardy qorǵaý úshin mundaı prosedýrany múmkindiginshe jıi júrgizý usynylady.
Aqparat kózi Polisia.kz saıtynda: https://polisia.kz/whatsapp-zhane-telegram-messendzherlerinde-azamattardy-aldau-zhaghdajlary-zhiilep-ketti/