11-12 jeltoqsanda "Atakent" kórme ortalyǵynda Tech Cup Almaty robototehnıka jáne drondar boıynsha IX ashyq chempıonaty ótedi.
Chempıonatqa elimizdiń barlyq óńirlerinen 6-22 jas aralyǵyndaǵy oqýshylar men stýdentter qatysady. Jarysqa 2500-den astam oqýshy, onyń ishinde aýyl mektepterinen de qatysady, dep habarlaıdy Almaty-akshamy.kz
Oqý-aǵartý mınıstrliginiń málimetinshe, jas ónertapqyshtar robottar men drondarmen oıynynda jarysyp qana qoımaı, «ónerdegi ǵylymı ınovasıalar» taqyrybynda ózderiniń ınovasıalyq jobalaryn usynady.
Chempıonat aıasynda barlyq qatysýshylar úshin sheberlik synyptary, oqýshylar arasynan startap-kásipkerler aleıasy, jetekshi IT-kompanıalar spıkerleriniń jáne Qazaqstannyń úzdik joǵary oqý oryndarynyń semınarlary josparlanǵan. Sondaı-aq pavılon aýmaǵynda Dúnıejúzilik Kod saǵaty ótedi.
Jeńimpaz komandalar: Úndistan, Indonezıa, Túrkıa chempıonattaryna qatysýǵa lısenzıalarmen, 10 000 000 teńgege deıingi aqshalaı syılyqtarmen, QBTÝ, Turan, Satpayev jáne SDU ýnıversıtetterine granttarmen marapattalady.