Qorǵanys mınıstrligi «Qazaqstan Respýblıkasynyń Qorǵanys mınıstrligine vedimistik baǵynysty áskerı oqý oryndarynda azamattyq qyzmetshi laýazymdaryn qospaǵanda, pedagog jumyskerler men olarǵa teńestirilgen adamdar, ǵylymı qyzmetkerler laýazymdaryna ornalasý qaǵıdalaryn bekitý týraly» Qazaqstan Respýblıkasy Qorǵanys mınıstriniń 2016 jylǵy 22 qańtardaǵy № 39 buıryǵyna ózgerister engizý týraly» qorǵanys vedomstvosy basshysy buıryǵynyń jobasyn daıyndady.
Atalǵan normatıvtik quqyqtyq akt «Qazaqstan Respýblıkasynyń qorǵanysy jáne Qarýly Kúshteri týraly»2005 jylǵy 7 qańtardaǵy QR Zańynyń 22-baby 2-tarmaǵynyń 26-21) tarmaqshasyna sáıkes ázirlendi.
Bul ózgeris qaǵıdalardy áskerı bilim berý salasyndaǵy qoldanystaǵy normalarǵa sáıkes keltirý maqsatynda engizilmek.
Buıryq jobasynyń tolyq mátinimen «Elektrondyq úkimet» portalynda «Ashyq NQA» bóliminde bıylǵy jyldyń 22 jeltoqsanyna deıin myna https://legalacts.egov.kz/npa/view?id=14834317 silteme boıynsha tanysýǵa bolady.