Facebook-te QR prezıdenti Qasym-Jomart Toqaevtyń qazaqstandyqtarǵa arnalǵan jańa qarjy baǵdarlamasynyń iske qosylǵany týraly málimdegen vıdeosy taralýda, dep habarlaıdy aqshamnews.kz.
Joba iri Qazaq Oil kompanıasymen birlesip júzege asyrylyp jatyr eken. Qalaı aqsha tabýǵa bolatyndyǵyn bilý úshin paıdalanýshy saýalnamadan ótýi kerek. Stopfake.kz-tiń málimdeýinshe, bul aqparat – feık.
Rolıkte jalǵan daýys qoldanylǵan. Qazaqstan prezıdentiniń bul sózi onyń 2022 jylǵy referendým qarsańynda azamattarǵa jasaǵan úndeýinen alynǵan. Túpnusqa baıandamada Qazaq Oil kompanıasymen birlesken joba týraly aıtylmaǵan. Prezıdent sóziniń jazbasy barshaǵa qoljetimdi, alaıaqtar ony jalǵan aqparat jasaý úshin konteksten úzip alǵan.
Memleket basshysynyń resmı saıtynda azamattarǵa arnalǵan qandaı da bir jańa qarjylyq baǵdarlamanyń iske qosylǵany týraly aqparat joq.
Sondaı-aq Qazaq Oil kompanıasynyń resmı saıtynda jáne áleýmettik jelilerde (Instagram-da jáne Facebook-te) memleketpen birlesip iske qosylǵan ınvestısıalyq baǵdarlama týraly aqparat joq. Janarmaı quıý stansıalarynyń ulttyq jelisi mundaı málimdeme jasamaǵan.
Alaıaqtar áleýmettik ınjenerıa ádisterin qoldanady – áreketke ıtermeleıdi. Olardyń aıtýynsha, baǵdarlama tek aı sońyna deıin ǵana iske asyrylady. Shyn máninde, bul vıdeo adamdardy aldaý maqsatynda jasalǵan. Saq bolyńyz jáne kúdikti siltemeler boıynsha ótpeńiz.
QR prezıdentiniń atynan iske qosylǵan ınvestısıalyq baǵdarlamalar týraly osyndaı feık habarlamalar 2023 jáne 2024 jyldary Jelide kóp taraldy.