Ulttyq qaýipsizdik komıteti sońǵy ýaqytta alaıaqtar kúshtik qurylymdardyń, sonyń ishinde vedomstvo basshylarynyń atynan azamattarǵa jıi habarlasatynyn eskertti, dep habarlaıdy almaty-akshamy.kz.
Alaıaqtar azamattarǵa qarjylyq jáne basqa operasıalardy júrgizý týraly ótinishterimen nemese talaptarymen telefon arqyly qońyraý shalady nemese mátindik habarlamalar jiberedi. Bul rette qylmystyq maqsatta aqshalaı nesıe rásimdelgeni jaıly, sondaı-aq qylmystyq jaýaptylyqqa tartylatyny týraly qorqytý nıetimen habarlama jiberiledi.
Sondaı-aq, bundaı jaǵdaılarda alaıaqtar UQK sımvolıkasy bar arnaıy daıyndalǵan qujattardyń faıldaryn jıi jiberetini aıtyldy.
UQK qyzmetkerleri qyzmettik mindetterin atqarý kezinde azamattarǵa qandaı da bir qarjylyq operasıalar júrgizýdi usynýǵa ókilettigi joq, – delingen UQK habarlamasynda.
Eger azamat osyndaı jaǵdaıda tap bolsa, tez arada áńgimelesýdi nemese hat jazysýdy toqtatyp, 102 telefony boıynsha polısıaǵa júginýige tıis.