Eki jylda bes ret tabaldyryq attaǵan Ásel esimdi qyzdyń oqıǵasy jurttyń jaǵasyn ustatty.
Osy aralyqtaǵy odan japa shekken birneshe enesi “Kóremiz” baǵdarlamasyna kelip, kómek suraýǵa májbúr. Sebebi eks-kelinderi qalyńmal alǵan soń, taıyp turǵan eken. Bul oqıǵa jaıly Almaty-akshamy.kz Astanatv.kz-ke silteme jasap.
Baǵdarlamaǵa boıjetkennen «zardap shekken» birneshe adam kelip, mán-jaıdy aıtyp berdi. Raıhan Jumanova esimdi kisi kelinniń qutty bolmaǵanyn aıtady.
"Enesi - meniń ápkem. Jıenim onyń alaıaq ekenin bilmepti. Eki aıdaı sóılesip, úılenetin bolyp sheshti. Úlken toıdy da belgiledik. Biraq, sol eki ortada bir kisiler habarlasyp, qyzdyń alaıaq ekenin málimdedi. Ol kezde qalyńmalyn berip qoıǵan edik", - deıdi alaıaq kelinnen japa shekken tarap.
Osydan keıin polısıaǵa habarlasyp, bólimshede barlyq mán-jaıdy biledi. Sóıtse Ásel buǵan deıin tórt bosaǵa attaǵan. Kelin bolyp túsken ár úıde bar bolǵany bir jarym aıdaı turǵan.