Kaspi.kz QR Qarjy mınıstrliginiń Memlekettik kirister komıtetimen, Sıfrlandyrý mınıstrligimen jáne «UAT» AQ-pen birlesip, Qazaqstan halqy úshin taǵy bir onlaın-servısti iske qosty.
Endi 250-nysan boıynsha aktıvter men mindettemeler týraly deklarasıany týra Kaspi.kz mobıldi sýperqosymshasynyń ózinde tapsyrýǵa bolady, dep habarlaıdy Almaty-akshamy.kz.
Kaspi.kz basshysy ári negizin qalaýshylardyń biri Mıhaıl Lomtadze:
«Memlekettik organdarmen birlesip, biz deklarasıany tapsyrý barysynyń ózi túsinikti, yńǵaıly ári kóp ýaqyt almaıtyndaı etýge tyrystyq. Qazirdiń ózinde jeke tulǵalar, zańdy tulǵalar men jeke kásipkerler Kaspi.kz jáne Kaspi Pay mobıldi qosymshalarynyń kómegimen kólik salyǵyn, múlik salyǵyn, tabys salyǵyn, jer salyǵyn, kedendik bajdy, QQS men basqa da kóptegen salyqty tólep otyr. 2023 jyly Kaspi.kz-tiń onlaın-servısteriniń kómegimen 1,2 trıllıon teńge, al 2024 jyldyń birinshi toqsanynda 400 mıllıard teńgeden astam salyq tólendi. Bul 2023 jyldyń birinshi toqsanymen salystyrǵanda salyq túsimderi 60%-ǵa artyq».
QR QM Memlekettik kirister komıtetiniń tóraǵasy Jandos Dúısembıev MKK jumysynyń servıstik modeli memleket basshysynyń tapsyrmalarynyń birin iske asyrý ekenin atap ótti:
«Qazaqstan halqyna qolaıly bolý úshin Salyq tóleýshiniń kabıneti (cabinet.salyk.kz), «Elektrondyq úkimet» veb-portaly (egov.kz), «E-Salyq Azamat», eGov mobile mobıldi qosymshalary, sondaı-aq jetekshi bankterdiń mobıldi qosymshalary, onyń ishinde Kaspi.kz arqyly deklarasıa usyný boıynsha elektrondyq servıster iske qosyldy. Aktıvter men mindettemeler týraly deklarasıany (250-nysan) toltyrý ońaı, yńǵaıly ári qoljetimdi boldy. Deklaranttardyń 99,9%-y elektrondyq nysandy tańdady. Esterińizge sala keteıin, 2024 jylǵy 1 qańtardan bastap jalpyǵa birdeı deklarasıalaý júıesine jeke kásipkerler, zańdy tulǵalardyń quryltaıshylary (qatysýshylary), basshylary men olardyń jubaıy (zaıyby) kirdi, olar 250-nysandy toltyrady. 2025 jylǵy 1 qańtardan bastap aktıvter men mindettemeler týraly deklarasıany azamattardyń qalǵan sanattary usynady. Jalpy alǵanda, jalpyǵa birdeı deklarasıalaý júıesine 13 mıllıon otandasymyz kiredi. Memlekettik kirister komıteti jeńildetý jáne avtomattandyrý saıasatyn jalǵastyratynyn atap ótemin».
QR SDIAÓM Memlekettik qyzmetter komıteti tóraǵasynyń orynbasary Aınur Iýsýpova:
«Ótken jyldyń qarasha aıynda Sıfrlyq damý mınıstri Baǵdat Mýsın Úkimette memlekettik qyzmetterdiń qoljetimdiligin arttyrý boıynsha júrgizilip jatqan jumystar men azamattarǵa qolaıly bolý úshin engiziletin sıfrlyq servıster týraly esep berdi. Mınıstr aǵymdaǵy jylǵa arnalǵan josparlardy belgileı otyryp, QM MKK Mınıstrlikpen birlesip salyq eseptiligin tapsyrý barysy qaıta qaralyp, deklarasıany jeńilirek tapsyrý servısi engiziletinin atap ótti. Búgin Kaspi platformasynda atalǵan servıs iske asyryldy. Sıfrlyq damý mınıstrligi memlekettik qyzmetterdiń bıznes-prosesterin reınjınırıngileý boıynsha jumysty jalǵastyrýda jáne osy baǵyttaǵy jumystar jalǵasyn tabady».
250-nysan boıynsha deklarasıa – bul azamattyń jınaqtalǵan aktıvteri men mindettemeleri týraly eseptilik. Ony jalpyǵa birdeı deklarasıalaý júıesine kirgen kezde bir ret qana usyný qajet. Barlyq keıingi jyl saıynǵy deklarasıada 250-nysanda bastapqy málimdelgen múlikke qatysty ózgeristerdi kórsetiledi. Sondyqtan bul nysandy durys toltyrý óte mańyzdy.
2024 jylǵy 1 qańtardan bastap 250-nysan boıynsha deklarasıany zańdy tulǵalardyń basshylary men quryltaıshylary jáne olardyń jubaıy (zaıyby), sondaı-aq jeke kásipkerler men olardyń jubaıy (zaıyby), 2025 jylǵy 1 qańtardan bastap Qazaqstan Respýblıkasynyń barlyq azamaty tapsyrýǵa mindetti.
250-nysan boıynsha deklarasıany jiberý týraly tolyǵyraq Kaspi.kz mobıldi qosymshasyndaǵy «Gıd» bóliminen oqyńyz.