Almatydaǵy ál-Farabı dańǵylyn ortasha jóndeý josparǵa sáıkes júrip jatyr: Seıfýllın dańǵylyna burylatyn jol jóndeledi
Almatyda ál-Farabı dańǵylyndaǵy jol jóndeý jumystary kestege sáıkes júrgizilip keledi jáne jańa oqý jylyna deıin aıaqtalady. Qazirgi ýaqytta Toraıǵyrov kóshesinen Dostyq dańǵylyna deıingi joldyń ońtústik jaǵynda jóndeý jumystary aıaqtaldy – qozǵalys ashyq. Soltústik jaǵynda Dostyq dańǵylynan Seıfýllın dańǵylyna deıin jóndeý aıaqtalyp, kólik qozǵalysy ashyldy.
Kelesi kezeń - ál-Farabı dańǵylynan soltústik baǵytta Seıfýllın dańǵylyna burylys.
Atalǵan ýchaskeni jóndeý jumystary 25 shilde saǵat 23:00-den 27 shilde saǵat 07:00-ge deıin júrgiziledi.
Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, sonymen qatar, 2GIS qosymshasynda qoljetimdi.
Esterińizge sala keteıik, Almatydaǵy magıstraldyq kóshelerge jol tósemin tóseýde alǵash ret jańa tehnologıalardy qoldanyldy. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsarý temperatýrasy joǵary (65-70°C), ystyqqa tótep berip, áldeqaıda uzaǵyraq qyzmet etedi. Qazirgi 5 jyldyń ornyna 8-10 jyl paıdalanýǵa bolady.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.