Almaty taýlarynda Medeý aýdanynyń ońtústik bóligin sýmen jabdyqtaýǵa sebepker bolǵan sel qaldyqtary joıylýda
Almaty óńirindegi temperatýranyń kóterilýi Kishialmaty shatqalyndaǵy taýly qar jamylǵysynyń kúrt eritti, bul óz kezeginde sý deńgeıiniń kúrt kóterilýine, jaǵalaýlardyń shaıylyp ketýine,seldiń oryn alýyna, Jergilikti seldiń oryn alýyńa Kishialmaty shatqalyndaǵy taý ózenindegi sýdyń laılanýyna ákeldi.
Tabıǵı qubylystan týyndaǵan bastapqy sýdyń laılanýynyń joǵary konsentrasıasy úshinshi kúni sý tazartý stansıalarynda odan ári sý daıyndaý úshin qajetti sý kólemin alýǵa múmkindik bermeıdi. Osyǵan baılanysty Medeý aýdanynyń ońtústik bóliginde, ál-Farabı dańǵylynyń ońtústiginde aýyz sý berý qysymy tómendep, shekteldi.
«Osy shildede sońǵy 8 jylda ádetten tys ystyq aýa-raıy oryn aldy. Temperatýranyń joǵarylaýyna baılanysty 12 kún boıy taýlarda muzdyqtardyń belsendi erýi baıqalady», - dedi Almaty qalasy TJD bastyǵynyń m.a. polkovnık Erlan Álibekov.
Almaty taýlarynda sel shyǵaryndylarynyń saldary joıylady. TJD ózen arnasyna jetý úshin joldy tazartý jumystaryn júrgizýde.
«Sel oıyǵyndaǵy taýly ózenniń jaǵalaýlaryn nyǵaıtý (uzyndyǵy shamamen 8 km) bıik taýlarda bolýyna baılanysty múmkin emes. Jumystardyń qol jetimdiligi, betkeılerdiń tik bolýy jáne ınfraqurylymnyń joqtyǵy qıyn bolýda», - dedi Almaty qalasy TJD bastyǵynyń m.a. polkovnık Erlan Álibekov. Qazirgi ýaqytta Qazseldenqorǵaýdyń 8 ınjenerlik tehnıkasy traktor avtojolyn (Tuıyq Sý muzdyǵy) erozıa saldarynan tazartý boıynsha jumystar júrgizilýde.
Sonymen qatar, Qazgıdromet RMK derekterine sáıkes, aýa temperatýrasynyń birtindep tómendeýi aǵymdaǵy aptanyń sońynan kútilýde. Aýa temperatýrasynyń tómendeýi muzdyqtardyń erýin azaıtýǵa kómektesedi, bul jaǵdaı sýdyń sapasyn jaqsartady.
Qalalyq energetıka jáne sýmen jabdyqtaý basqarmasynyń málimetinshe, qalaǵa beriletin sý kóleminiń sapasy turaqty zerthanalyq baqylaýda. Bul rette sońǵy kúnderi Medeý súzgi stansıasyndaǵy laılaný deńgeıi 600mg.dm3-ten (a.j.22 shildesi) 142mg. dm3-ke (a. j. 24 shildesi) deıin tómendedi, alaıda taýly ózenderdiń arnasynan asýyna baılanysty laılaný konsentrasıasy qaıtadan kúsheıe tústi. Kúni boıy, aǵymdaǵy jyldyń 25 shildede laılaný 170-358mg. dm3 deńgeıinde saqtalady.
«Temperatýra kestesi odan ári tómendegen jaǵdaıda mamandar bastapqy sýdyń laılaný konsentrasıasynyń tómendeýin boljaıdy, bul óz kezeginde aýdan turǵyndary úshin sý berýdi odan ári qalpyna keltirýge alyp keledi», - dedi energetıka jáne sýmen jabdyqtaý basqarmasynyń basshysy Talǵat Malybaev.
Ákimdik turǵyndardy sýǵa qoljetimdilikpen qamtamasyz etý boıynsha ýaqytsha sharalar qabyldady. Turǵyndarmen kezdesý barysynda Medeý aýdanynyń ákimi Erkebulan Orazalın men «Almaty Sý» MKK bas dırektory İlıas Qazıev qysymdy tómendetý jáne sý berýdi ýaqytsha shekteý boıynsha jaǵdaıdy túsindirdi.
«Búgin biz «Almaty Sý» basshylyǵymen birge Medeý aýdanynyń ońtústik bóliginiń turǵyndarymen kezdestik. Turǵyndardyń ótinishi boıynsha sý tasıtyn kólikterdiń sany ulǵaıtyldy (8 birlikke deıin), bıotýaletter ornatyldy, atalǵan máseleler boıynsha jedel jeli uıymdastyryldy», - dedi E. Orazalın.
Sý tasyǵyshtar men bıotýaletter boıynsha ótinimder mynadaı nómirler boıynsha qabyldanady: + 7 775 594 90 94 (dárethanalar boıynsha), + 7 707 776 47 72 (sý tasıtyn kólikter boıynsha). Halyqtyń muqtajdyqtary úshin aýyz sýdy arnaıy tehnıkamen jetkizý uıymdastyryldy, ótinimderdi «Almaty Sý» MKK dıspecherlik qyzmeti kelesi nómirler boıynsha qabyldaıdy: 274-66-66, +7 777-852-91-01.
Anyqtama:
«Almaty Sý» MKK derekteri boıynsha qazirgi ýaqytta kelesi mekenjaılar boıynsha ornalasqan tutynýshylarǵa sý berý shektelgen: Iýbıleınyı, Taý Samal (Kamenskoe plato), «VIP álem» kotej qalashyǵy, «Evropolıs» TK, Kereı Jánibek handar kóshesi, Ońdasynov kóshesi, Ladýshkın kóshesi, Ospanov kóshesi, Qyz Jibek kóshesi, Jánibekov kóshesi, Naımanbaev kóshesi, Dostyq dańǵyly, Chaıkın kóshesi.
Jelilerdegi sý qysymynyń tómendeýi Qajy Muqan, Baıjanov, Lýganskıı, Dostyq dańǵyly, Nurmaǵambetov, Saharıev kóshelerinde, «Kók Tóbe», «Samal 1-3», «Taýly qyrat» shaǵyn aýdandarynda baıqalady.