Kórmeni tamashalaý tegin.
Almaty qalasy mádenıet basqarmasynyń «Almaty áýenderi» memlekettik kásipornyna qarasty Almaty galereıasy Helena Iokton men Marıa Sorokovskaıanyń akvarel jumystarynyń kórmesin usynady, dep habarlaıdy Almaty-akshamy.kz
Kórmede Elena Ioktonnyń 42 akvarel boıaýly týyndysy men Marıa Sorokovskaıanyń 34 jumysy bar.
«Akvarelder ÓMİR SEKİLDİ» dep atalǵan kórme búgin saǵat 17:00-de ashylady. Kórmeni 3 naýryzdan 15 naýryzǵa deıin tamashalaýǵa bolady.
Almaty galereıasynyń jumys ýaqyty:
Seısenbi - jeksenbi 11:00-den 19:00-ge deıin.
Dúısenbi - demalys kúni
Mekenjaıy: Almaty qalasy, Dostyq dańǵyly, 44, Shevchenko kóshesiniń qıylysynda.
Kórmeniń kýratory: ónertaný kandıdaty Batýrına Olga Vladımırovna.
Almaty galereıasynyń kórme zalynda qoıylǵan Elena Iokton men Marıa Sorokovskaıanyń jumystary eń kúrdeli keskindeme tehnıkasy – akvarelde jasalǵan. Akvarel sýretshiden dáldikti, naqtylyq pen sezimtaldyqty talap etedi: munda tek qana shabyt sheberdiń qolyn qozǵaıdy, eshteńeni óshirip qaıta salatyn múmkindik bolmaıdy. Kelýshiler nazaryna usynylǵan kórmede Elena Ioktonnyń 42 akvarel boıaýy men Marıa Sorokovskaıanyń 34 jumysy bar.
Elena Iokton men Marıa Sorokovskaıa peızaj, portret, natúrmort jáne dereksiz kompozısıalar sıaqty kóptegen janrda jumys isteıdi. Keıde bul tabıǵattyń tiri beınesi, emosıonaldy eskızder bolsa, keıde olar erkindik pen taýlardyń ulylyǵyn sezimine toly panoramalyq peızajdar arqyly sýretteıdi. Eki avtor da portretterge erekshe mán beredi, olardyń týyndylary jandy beıneler syndy sezimge toly. Adam beınesi – jeke tulǵanyń qundylyǵy men qaıtalanbas ereksheligi týraly túsinigin joǵaltyp alǵan qazirgi jahandyq álemde sırek kezdesetin ónerdiń eń mańyzdy taqyryby. Elena Iokton men Marıa Sorokovskaıa ózderiniń akvarelderinde adamnyń jan dúnıesine degen qyzyǵýshylyqty oıatady.
Iokton Elena men Marıa Sorokovskaıa Qazaqstan Respýblıkasy Sýretshiler odaǵynyń múshesi, akvarel boıaýy boıynsha kóptegen halyqaralyq jáne respýblıkalyq kórmelerdiń (Úndistan, Reseı, Rýmynıa, Vetnam, Malaızıa, Kanada, Fransıa, Italıa, Ispanıa, Bolgarıa, Túrkıa, Chehıa, Indonezıa jáne t.b.) qatysýshylary. 2018 jyldan bastap Iokton Elena Ýrbıno jáne Fabrıano (Italıa) qalalarynda ótken akvarel festıvalinde Qazaqstannan jetekshi-úılestirýshi boldy. Marıa Sorokovskaıa - IMWA 2-shi ámbebap akvarel ekspozısıasynyń (2020) qatysýshysy, onyń «Týylý» atty týyndysy álemdegi 100 úzdik akvareldiń tizimine engen.