Almatylyq «Qaırat» komandasy 2:1 esebimen «Tobylǵa» ese jiberip aldy.
«Astana-Arenada» sýperkýbokti ótken maýsymnyń chempıony qostanaılyq «Tobyl» men kýbok ıegeri almatylyq «Qaırat» ózara sarapqa saldy, dep habarlaıdy Almaty-akshamy.kz Almaty.tv saıtyna silteme jasap.
Birinshi bolyp Qazaqstan chempıondary esep ashty. Almatylyq komanda qorǵaýshylary ózderiniń aıyp alańynda qarsylasty shalyp jyǵyp, sonyń arqasynda qostanaılyq Serikjan Mýjıkov penaltı teýip, múlt ketpedi. 10 mınýttan keıin almatylyq klýbtyń legıoneri Joao Paolonyń alystan tepken doby qaqpa toryna dóp keldi. Osylaısha birinshi kezeńde esep teń tústi: 1:1.
Ekinshi kezeńde VAR halyqaralyq júıesiniń tásili qoldanyldy. Bas tóreshi Danıar Sahı daýly jaǵdaıda elektrondy júıeniń kómegine júginip, «Tobyl» qaqpasyna qaraı 11 metrlik aıyppul soqqysyn taǵaıyndady. Alaıda 62 mınýtta «Tobyl» qaqpasyna belgilengen penaltıdi «Qaırat» fýtbolshysy Rıkardý Alvesh nysanaǵa týra baǵyttaı alǵan joq.
Esesine 83 mınýtta qostanaılyq fýtbolshy Aıbar Jaqsylyqov jeńis golyn soǵyp ketti. Osylaısha «Tobyl» qarsylasynan 2:1 esebimen basym tústi. Qostanaılyq klýb ekinshi jyl qatarynan sýperkýbok ıegeri atandy.