Búgin «Habar» telearnasynan «Qasiretti qańtar. Tártipsizdikter» jańa derekti fılmi kórermenge jol tartady. Joba Qazaqstandaǵy qańtar oqıǵasy týraly fılmder sıkliniń úshinshi bólimi bolyp tabylady, dep habarlaıdy Almaty-akshamy.kz
Esterińizge sala keteıik, buǵan deıin «Habar» agenttigi «Qasiretti qańtar. Oqıǵa qalaı órbidi?» jáne «Qasiretti qańtar. Maroderlar» fılmderin kórsetti. Birinshi bólim qańtar oqıǵalarynyń tolyq hronologıasyna negizdelse, ekinshisi maroderlar týraly jańa faktilerdi kórermen nazaryna usyndy.
Qasiretti qańtar týraly derekti fılmder toptamasynyń kezekti bólimi oqıǵa kýágerleriniń eksklúzıvti suhbattaryna negizdelgen.
- Biz jappaı tártipsizdik, sondaı-aq qarý-jaraqty urlaý baptary boıynsha kúdikti bolǵan jáne sottalǵan azamattardan suhbat aldyq. Olar oqıǵalarǵa kózqarastaryn bildirip, tártipsizdiktiń ózindik hronologıasymen bólisti. Túsirilim barysynda polıseılerge shabýyl jasaǵan, ákimdikti qıratqan, armatýrany ákelgen adamdardyń pikirlerin tyńdadyq, - dedi joba avtory Aıgúl Ádilova.
«Qasiretti qańtar. Tártipsizdikter» derekti fılminiń kórsetilimin búgin, 3 naýryz kúni, saǵat 20:30-da «Habar» telearnasynan jiberip almańyzdar.