Biraq bul kandıdattar saıası dodany jalǵastyrady.
Májilis jáne máslıhattar depýttyǵyna kandıdattar arasynda saılaýaldy úgitti erte bastaǵan, deklarasıada tabysyn ashyq kórsetpegen jáne úıqamaq rejımin buzǵandar bar, dep habarlaıdy Almaty-akshamy.kz
Olarǵa qatysty ákimshilik hattama toltyryldy. Muny "Adal saılaý úshin" respýblıkalyq qoǵamdyq shtaby habarlady.
Olardyń aıtýynsha, saılaýǵa qatysýshylar ishinde jeke derekterdi taratý jáne qańtar oqıǵasyna qatysty degen kúdikpen tergeýde júrgen azamattar bar. Biraq, sot sheshimi shyqqansha olar kinásiz bolyp sanalady.
"Sondyqtan mundaı faktorlar saılaýǵa qatysýǵa kedergi keltirmeıdi", - deıdi shtab ókili Dýman Janpeıisov.
Endi atalmysh jaıttardy saılaý komısıasy qarastyrady. Bul derekter saıası naýqannan shyǵyp qalýǵa negiz bolýy múmkin.
"Konstıtýsıada adam sottyń úkimi kúshine engenge deıin kináli emes dep esepteledi. Sottyń úkimi kináli dep eseptelgennen keıin ǵana qandaı da teris saldarlar bolýy múmkin. Eger qandaı da bir sáıkessizdik tabylyp jatsa, ol erteń saılaý komısıasynyń tirkeý týraly qabyldaǵan sheshiminiń kúshin joıýǵa negiz bolady", - deıdi "Adal saılaý úshin" respýblıkalyq qoǵamdyq shtabynyń múshesi Dýman Janpeıisov.