Almaty ákimdiginiń syrtqy jaryqtandyrýdy modernızasıalaýmen aınalysatyn jeke seriktes aldynda bereshegi joq
Ákimdiktiń buryn syrtqy jaryqtandyrýdy modernızasıalaýmen aınalysqan energetıkalyq konsorsıýmǵa kiretin «ABM-Building 2007» JSHS jeke seriktesi aldyndaǵy bereshegi týraly aqparat shyndyqqa janaspaıdy.
«Almaty Qala Jaryq» SHJQ MKK men jeke áriptes arasyndaǵy ónim berýshi tarapynan jumystardy oryndamaýy sebebinen kelisim sharttyq mindettemeler 2023 jylǵy maýsymda toqtatyldy. Keıin qazan aıynda Almaty qalasynyń mamandandyrylǵan aýdanaralyq ekonomıkalyq sotynyń sheshimimen «Almaty qalasynyń syrtqy jaryqtandyrýdy modernızasıalaý» jobasy boıynsha MJÁ shart buzyldy.
2019-2023 jyldar kezeńinde shart boıynsha jeke áripteske onyń ınvestısıalary men qyzmet kórsetý shyǵyndaryn óteý esebinen 26,9 mlrd teńge tólendi. Shart boıynsha tólemder jeke seriktestiń óz mindettemelerin oryndamaýyna baılanysty 2023 jylǵy shildeden bastap toqtatyldy. Tıisinshe, qyzmetkerlerge jalaqy tóleý jaýapkershiligi kompanıanyń ózine júkteledi.
Kelisim sharttyń 13.13 - tarmaǵyna sáıkes oryndalǵan jumystardyń AQJ-men kelisilgen aktileri oryndalǵan jumystarǵa aqy tóleý úshin negiz bolyp tabylady. 2023 jylǵy shilde-tamyz aılaryndaǵy aktilerge AQJ tarapynan oryndalǵan jumystardyń sapasyna qatysty eskertýlerge baılanysty qol qoıylmaǵan, olar eshqashan joıylmaǵan. Barlyq qarsylyqtar kelisim shart talaptaryna sáıkes jazbasha túrde rásimdeldi.
MJÁ shartyna sáıkes jeke áriptes 2019-2023 jyldar aralyǵynda modernızasıalaýdy aıaqtaýy tıis ekenin jáne modernızasıalaý kestesin oryndamaǵany úshin ınvestısıalanǵan qarjy qarajatyn óteý fakti boıynsha júrgizilgenin qosamyz.
Kelisim shart boıynsha jeke seriktes 2019-2023 jyldar aralyǵynda 12,5 mlrd. teńge ınvestısıalap, 44 myńnan astam jaryq núktelerin modernızasıalaýy tıis edi. Jeke seriktes 13,5 myń jaryq núktesin jańartty, ıaǵnı kelisim shart boıynsha óz mindettemelerin oryndamady.
«Ákimdiktiń burynǵy jeke áriptesi aldyndaǵy bereshegi joq.
Aǵymdaǵy jyldyń maýsym aıynan bastap talap-aryz jumysy bastaldy, onda aqy tóleý qajet jumys faktisi bolǵan joq. Iaǵnı, ony qabyldaýshy tarap eshqandaı qujattarmen rastamaıdy», - dedi Almaty qalasy energetıka jáne sýmen jabdyqtaý basqarmasy.
Eske salsaq, «Almaty qalasynyń energetıka jáne sýmen jabdyqtaý basqarmasy» KMM, «Almaty Qala Jaryq» SHJQ MKK jáne «ABM-Vuilding 2007» JSHS, «Elektroremont» JSHS jáne «ABM-Project» JSHS quramyndaǵy konsorsıýmda «Almaty qalasynyń syrtqy jaryqtandyrýdy modernızasıalaý» jobasy boıynsha memlekettik-jeke áriptestik kelisim sharty 2018 jyly 27 mlrd-qa jýyq somaǵa jasalǵan bolatyn.Ol keıinnen jumys kóleminiń ulǵaıýyna baılanysty 43,6 mlrd-qa deıin ósti.
Almaty qalasy energetıka jáne sýmen jabdyqtaý basqarmasy