Ortalyqtarda emdik dene shynyqtyrý, massaj, defektolog, logoped, psıholog jáne t.b. kabınetter bar.
Jeke sektordy tarta otyryp, arnaýly áleýmettik qyzmetter kórsetý jónindegi pılottyq jobany iske asyrý sheńberinde Qazaqstannyń alty óńirinde múgedektigi bar balalarǵa arnalǵan syıymdylyǵy shaǵyn úıler ashyldy, dep habarlaıdy almaty-akshamy.kz
Syıymdylyǵy shaǵyn úıler qurý QR Áleýmettik kodeksinde belgilengen áleýmettik qyzmet kórsetý júıesin transformasıalaý aıasyndaǵy jumys baǵyttarynyń biri bolyp tabylady. İri ınternat úılerinde qyzmet kórsetýden shaǵyn jınaqty áleýmettik qyzmet kórsetý uıymdarynda qyzmet kórsetýge kóshý kózdeledi. Jan basyna shaqqandaǵy qarjylandyrý arqyly jeke sektordy tartý arqyly arnaýly áleýmettik qyzmetter kórsetýdiń memlekettik ortalyqtaryn kezeń-kezeńimen monopolıasyzdandyrý júzege asyrylady. Syıymdylyǵy shaǵyn úılerdi múgedektigi bar adamdar turatyn jerlerde, onyń ishinde aýyldyq jerlerde tikeleı ashý josparlanýda.
Pılottyq jobaǵa elimizdiń 7 óńiri qatysýda: Aqmola, Batys Qazaqstan, Qaraǵandy, Túrkistan oblystary jáne Astana, Almaty, Shymkent qalalary.
Buǵan deıin habarlanǵandaı, múgedektigi bar balalarǵa arnalǵan alǵashqy syıymdylyǵy shaǵyn úı 2023 jyldyń 4 shildesinde Qaraǵandyda ashyldy. Osyndaı syıymdylyǵy shaǵyn úıler osy jylǵy 29 tamyzda Kókshetaý men Shymkentte, 1 qyrkúıekte Astanada, 10 qyrkúıekte Túrkistan oblysynda ashyldy. Qarasha aıynda Oral qalasynda taǵy bir «Aq nıet» syıymdylyǵy shaǵyn úı ashyldy.
Jalpy, joǵaryda atalǵan syıymdylyǵy shaǵyn úıler 130 orynǵa eseptelgen.
Múmkindigi shekteýli balalarǵa arnalǵan syıymdylyǵy shaǵyn úılerde arnaýly áleýmettik qyzmetterdiń kepildik berilgen kólemi qoljetimdi áleýmettik-turmystyq, áleýmettik-medısınalyq, áleýmettik-psıhologıalyq, áleýmettik-pedagogıkalyq, áleýmettik-eńbek, áleýmettik-mádenı, áleýmettik-quqyqtyq, áleýmettik-ekonomıkalyq túrleri bar.
Syıymdylyǵy shaǵyn úı jaǵdaıynda qyzmet kórsetý stasıonarlyq jáne jartylaı stasıonarlyq uıymdardyń qoldanystaǵy jelisine balama bolyp tabylady jáne balanyń otbasymen birge bolýyna baǵyttalǵan. Bul rette múgedektigi bar balalardyń ata-analary jumysqa shyǵyp, otbasynyń ál-aýqatyn arttyra alady.