Túrkıada Egeı jáne Jerorta teńizderi arnasynan asyp, sonyń saldarynan Izmır, Antalıa syndy iri qalalar sý astynda qaldy, dep habarlaıdy almaty-akshamy.kz TRT Haber arnasyna silteme jasap.
Izmırde Qarshyıaka jáne Konak aýdandarynda jaǵalaýlar, baqtar, joldar, keńseler, kópqabatty úıler men dúkender sý astynda qaldy. Antalıada jańbyr jaýady. Daýylǵa baılanysty parom reısteri toqtatyldy.
Alsandjak jáne Kordon aımaqtarynda qaıyqtardaǵy qutqarýshylar sý basqan dámhanaǵa kelýshilerdi evakýasıalady. Mavıshehırde sırenalar turǵyndarǵa sý tasqyny qaýpi týraly eskertti. Keıbir turǵyndar kólikterdi jerasty garajdarynan shyǵarýǵa tyrysyp jatyr.
Ystambulda aýa temperatýrasy +8 gradýsqa deıin tómendedi. Sabıha Gókchen áýejaıyndaǵy reısterdiń 15 paıyzy keıinge qaldyryldy. Túrik bıligi aýa raıynyń qolaısyzdyǵyna baılanysty 64 provınsıada «qyzǵylt sary» jáne «sary» dabyl deńgeıin jarıalady.