Qazaqstanda medısınalyq saqtandyrýy joq adamdarǵa kólik júrgizýge jáne qarý saqtaýǵa tyıym salý usynyldy, dep habarlaıdy almaty-akshamy.kz habarlaıdy.
Densaýlyq saqtaý mınıstri Ajar Ǵınıat atap ótkendeı, qazirgi ýaqytta qarjy júıesi aktýarlyq esep-qısaptyń ósip kele jatqan shyǵyndaryn kótere almaı otyr. Sondyqtan áleýmettik medısınalyq saqtandyrý qory aldaǵy ýaqytta óz mindettemelerin tolyq oryndaı almaýy múmkin dep boljaıdy.
"Júıeniń uzaq merzimdi qarjylyq turaqtylyǵyn qamtamasyz etý úshin kelesi qajetti sharttardy eskerý qajet: 2025 jyldan bastap árbir azamat mindetti salyq deklarasıasyn tapsyrady. Osylaısha saqtandyrylmaǵan azamattardyń tabysy belgili bolyp, shamamen 700 myńdaı adam mindetti medısınalyq saqtandyrý júıesine tartylady dep kútilýde", - dedi Ajar Ǵınıat.
Aýyldarda turatyn az qamtylǵan 1,5 mıllıonǵa jýyq adam búdjet qarajatynan saqtandyrylmaq. 2026 jylǵa qaraı halyqty qamtý 95 paıyzdan kem bolmaıdy dep kútilýde. Sondaı-aq memleket pen jumys berýshilerdiń jarna mólsherlemelerin kezeń-kezeńimen kóterý josparlanýda. Qazirgi ýaqytta jalaqysy 700 myń teńgeden asatyn azamattar úshin mindetti medısınalyq saqtandyrý júıesine aýdarymdar shektelgen. Osyǵan baılanysty densaýlyq saqtaý mınıstrligi jumys berýshiniń jarnalaryn esepteý úshin bazanyń joǵarǵy shegin (10 eń tómengi jalaqy) alyp tastaýdy usynyp otyr.
"Saqtandyrylmaǵan adamdarǵa medısınalyq jáne onymen baılanysty memlekettik qyzmetterge shekteýler engizý usynylady, mysaly, kólik júrgizý, qarý saqtaý jáne t.b", - dedi mınıstr.
Onyń aıtýynsha, eger bul sharttar oryndalsa, qordyń qarjylyq turaqtylyǵy saqtalady.