Oraza aıt bıyl 30 naýryzda bastalady.
Qazaqstan musylmandary dinı basqarmasy Oraza aıt namazynyń kestesin jarıalady, dep habarlaıdy aqshamnews.kz
"Saǵyndyrǵan Ramazan aıynyń da aıaqtalýyna az qaldy. 30 naýryz – Oraza aıt meıramy. Qazaqstan musylmandary dinı basqarmasy osy kúni oqylatyn Oraza aıt namazynyń elimiz boıynsha ázirlengen kestesin nazarlaryńyzǵa usynady", - dep jazylǵan habarlamada.
Eske salaıyq, bıyl Qasıetti Ramazan 1-29 naýryz aralyǵynda bolady. Qadir túni, keshe, ıaǵnı naýryzdyń 26-synan 27-sine qaraǵan túnge dóp keldi.
Sonymen qatar bıyl Qazaqstan musylmandary dinı basqarmasynyń tóralqa májilisinde pitir sadaqa elimiz boıynsha eki keli unnyń ortasha baǵasy negizinde 655 teńge bolyp bekitildi.
Al úsh kúnge sozylatyn Qurban aıt 6-8 maýsymǵa sáıkes kelip tur. Elimizdegi Eńbek kodeksine sáıkes, musylman kúntizbesi boıynsha atalatyn Qurban aıttyń birinshi kúni demalys kúni bolyp bekitilgen.
