Biraq İshki ister mınıstri saıttardy jabý máseleni túbegeıli sheshpeıdi dep esepteıdi.
İİM bıyl Qazaqstanda 604 esirtki saıtyn japqan, dep habarlaıdy Almaty-akshamy.kz
Marat Ahmetjanov Úkimet otyrysynda esirtkimen kúres barysy týraly aıtty.
Mınıstrdiń sózinshe, esirtkini «telegram-bottar» nemese basqa da ınternet-resýrstar arqyly satý keńinen tarap jatyr. Mysaly, bıyl tirkelgen árbir jetinshi esirtki qylmysy ınternet arqyly satýmen baılanysty.
"Árıne, biz mundaı ınkognıto ınternet-dúkenderdi jaýyp jatyrmyz. Bıyl 604 esirtki saıtyn japtyq. Biraq bul shara máseleni túbegeıli sheshpeıdi. Óıtkeni jańa saıttardy ashý tez, al ony anyqtaý uzaq. Uıymdastyrýshylardy anyqtaý odan da kúrdeli. Sebebi, olar shetelderde ornalasqan", dedi İİM basshysy Marat Ahmetjanov.
Sonymen qatar mınıstr mundaı zańsyz «kontentti» toqtatý úshin, zamanaýı aparattyq-baǵdarlamalyq jabdyqtar qajet ekenin aıtty. Sondyqtan keshendi josparda tıisti quraldarmen qamtamasyz etý kózdelip otyr («Argýs», «Aırıs», «Trıton»).
"Olar áleýmettik jeliler nemese saıttar arqyly esirtkiniń taralýyn anyqtaýdy avtomattandyrýǵa múmkindik beredi. Sonymen qatar «Kıbernadzor» júıesi saıttar ashylsa, olardy onlaın túrde buǵattaıdy, ıaǵnı jasandy ıntellekt ózi anyqtap, dereý tosqaýyl qoıady. Sonymen qatar saıtty uıymdastyratyn jáne ony paıdalanatyn adamdardy anyqtaýǵa múmkindik bolady", - dedi Marat Ahmetjanov.