Tótenshe jaǵdaıǵa baılanysty áýe kemesi rezervte turǵan bortqa aýystyryldy
Air Astana jolaýshylar ushaǵyna naızaǵaı túsip, reıs keıinge qaldyrylǵan, dep habarlaıds Almaty- akshamy.kz Ulysmedia.kz-ke silteme jasap.
Resmı málimetke sáıkes, 8 tamyzda "Almaty – Nur-Sultan" baǵytyndaǵy reıs keshki saǵat 19:45-te ushyp ketýge daıyndalǵan. Sol kezde ushaqqa naızaǵaı túsken.
Oǵan qosa, dalada shańdy daýyl kóterildi. Osyǵan baılanysty reıs 7 saǵat 15 mınýt shegerildi. Osy ýaqyttyń ishinde bortty aýystyrý jaıly sheshim qabyldandy.
"Tótenshe jaǵdaıǵa baılanysty áýe kemesi rezervte turǵan bortqa aýystyryldy. Buǵan deıin onymen FlyArystan KS 7058 "Almaty - Nur-Sýltan - Almaty" baǵytynda jolaýshylar tasymaldaǵan. Negizi, reıstiń ózi 3 saǵat 45 mınýtqa keıinge shegerildi. Biraq Almatydaǵy shańdy daýyldyń saldarynan ol ýaqyt uzartyldy. Oǵan qosa, Nur-Sultan áýejaıy jabyldy. Áýe kemesin jetkizýge de ýaqyt ketti. Osylaısha, KS 855 reısiniń keshigý ýaqyty 7 saǵat 15 mınýtty qurady", - delingen resmı habarlamada.
Reısti kútip qalǵan jolaýshylarǵa tamaq pen sýsyn taratyldy. Al bıznes-klaspen ushqandarǵa 100 dollardyń vaýchery berildi. Keıbir jolaýshylar basqa reısterge mingizildi.