Wizz Air Abu-Dhabi áýe kóligi Túrkistan qalasyna usha bastaıdy
Kólik mınıstrligine qarasty Azamattyq avıasıa komıtetimen halyqaralyq baǵyttar boıynsha ushý geografıasyn keńeıtý boıynsha atqarylyp jatqan jumystar óz jalǵasyn tabýda.
Osylaısha, kelesi jyldyń 16 qańtarynan bastap Wizz Air Abu - Dhabi áýe kompanıasy Túrkistan – Ábý-Dabı baǵyty boıynsha turaqty reısterdi iske qosady. Reıster Airbus A321 úlgisindegi áýe kemelerinde aptasyna 3 reıs jıiligimen oryndalady dep josparlanyp otyr. Atap aıtqanda, atalǵan reıster seısenbi, beısenbi, senbi kúnderi júzege asyrylatyn bolady.
Jańa áýe baǵyty boıynsha reısterdi iske qosý Túrkistan qalasynyń turǵyndaryna Ábý-Dabı qalasy arqyly tranzıtpen basqa baǵyttar boıynsha odan ári ushýǵa múmkindik beredi. Jańa halyqaralyq áýe baǵytynyń ashylýy Qazaqstan men BAÁ arasyndaǵy saýda-ekonomıkalyq, iskerlik, ınvestısıalyq, týrızm jáne mádenı yntymaqtastyqty odan ári damytýǵa yqpal etpek.