Óńirlik komýnıkasıalar qyzmetiniń alańynda «Ulttyq muraǵat qory jáne muraǵat týraly» Qazaqstan Respýblıkasy zańynyń 25 jyldyǵyna arnalǵan brıfıń ótti.
Qazaqstan Respýblıkasy Prezıdenti Arhıviniń basshylyǵy «Tarıhı qujat - urpaqqa amanat» muraǵattyq marafony» jobasy týraly aıtyp berdi, dep habarlaıdy Almaty-akshamy.kz.
Qazaqstan Respýblıkasy Prezıdenti Muraǵatynyń dırektory Álıa Mustafına Qazaqstannyń HH ǵasyrdaǵy jáne memleketimizdiń Táýelsizdik kezeńindegi qoǵamdyq-saıası tarıhyn saqtap otyrǵandaryn aıtty. 2023 jyldyń 1 qańtaryndaǵy jaǵdaı boıynsha, saqtalǵan aqparattyń jalpy kólemi 1,131 mıllıon muraǵattyq faıldy qurady, bul - otandyq muraǵattar úshin aıtarlyqtaı senimdi kórsetkish.
Muraǵattyń negizgi mindeti Qazaqstan Respýblıkasy Prezıdentiniń, onyń apparatynyń jáne Memleket basshysyna tikeleı baǵynatyn jáne esep beretin memlekettik organdardyń qyzmetin muraǵattyq qamtamasyz etý bolyp tabylatynyn atap ótken jón.
«2022 jyly bizdiń jumysymyzda túbegeıli ózgerister boldy. Qazaqstan Respýblıkasy Prezıdentiniń Jarlyǵyna sáıkes, jańa Ereje bekitildi, uıymdyq nysany men qurylymy ózgertildi, jańa fýnksıalar men mindetter bekitildi. Muraǵatty 2035 jylǵa deıin damytý tujyrymdamasy ázirlendi, onda Qazaqstan Respýblıkasy Ulttyq muraǵat qorynyń qujattaryn jınaqtaý, esepke alý, saqtaý jáne paıdalaný jónindegi mekemeniń qyzmetin jańǵyrtý, muraǵat isin sıfrlyq túrlendirý, muraǵat isi men qujat júrgizý salasynda ǵylymı, ádistemelik jáne úılestirý ortalyǵy retinde qalyptasý baǵyttary naqtylanǵan», - deıdi Álıa Mustafına.
Ótken jyly muraǵatta úsh jańa ortalyq: qoldanbaly jáne ǵylymı jobalar ortalyǵy, oqý-ádistemelik ortalyq jáne HH ǵasyrdaǵy saıası qýǵyn-súrgin materıaldaryn zertteý ortalyǵy uıymdastyryldy.
Muraǵat Ǵylym jáne joǵary bilim mınıstrliginen akredıtasıadan ótip, ǵylymı qyzmet nysanyna aınaldy. Prezıdent muraǵaty buqaralyq aqparat quraly retinde tirkelgen «Jańa muraǵat» kásibı jýrnalyn shyǵarýdy bastady. Jýrnal muraǵatshylarǵa, qujattanýshylarǵa jáne is júrgizýshilerge arnalǵan kásibı basylym bolyp tabylady, onyń betteri jańa ıdeıalardy usyný, olardy odan ári tájirıbede qoldaný úshin talqylaý alańyna aınalady.
«Muraǵatta HH ǵasyrdaǵy saıası qýǵyn-súrgin materıaldaryn zertteý ortalyǵynyń ashylýymen el aýmaǵynda 20 ǵasyrdaǵy saıası qýǵyn-súrgin qurbandarynyń qujattaryn saqtaýǵa arnalǵan mamandandyrylǵan qoıma paıda boldy. Nátıjesi de tań qaldyrarlyq: 260 myńnan astam muraǵattyq istiń qujattary qabyldandy, qabyldaý áli de jalǵasýda. Muraǵat osy taqyryp boıynsha áleýmettik-quqyqtyq suranystardy oryndaýǵa kiristi, «Amanat» tulǵalar týraly málimetter bazasy ázirlenýde, - dep jalǵastyrdy dırektordyń orynbasary Qaırat Álimǵazınov.
Bıyl otandyq muraǵatshylar 1998 jyly 22 jeltoqsanda qabyldanǵan Qazaqstan Respýblıkasynyń «Ulttyq muraǵat qory jáne muraǵattar týraly» zańynyń 25 jyldyǵyn atap ótýde. Zańnyń qabyldanýy – qazaq muraǵat salasynyń damýyndaǵy tarıhı kezeń. Dál osy sátten bastap normatıvtik bazany qalyptastyrý bastaldy. 25 jyl ishinde muraǵattyq qujattardy saqtaý jáne paıdalaný erejeleri qabyldandy, qujattardy saqtaý merzimderi men joıý tártibi belgilendi, memlekettik jáne vedimistik muraǵattardyń jumysynda biryńǵaı qaǵıdattar men talaptar belgilendi. Zań qabyldanǵannan beri oǵan 40-tan astam ózgerister men tolyqtyrýlar engizildi.
Zamanaýı jaǵdaılarda salanyń damýynyń negizgi úrdisi - jańa IT tehnologıalardy engizý jáne buǵan aldyńǵy qatarly sheteldik tájirıbe dálel bolyp otyr. Bul bir jaǵynan muraǵattar jumysyn uıymdastyrýdy jáne olar kórsetetin qyzmetterdi kórsetýdi sapaly jańa deńgeıge shyǵarýǵa múmkindik berse, ekinshi jaǵynan zamanaýı talaptarǵa jaýap beretin ádisteme men sheshimderdi ázirleýde múlde jańa mindetter qoıady.
Tıisinshe, zańnamalyq bazany jetildirý qajet, al ózgerister strategıalyq, aldyn ala eseptelgen bolýy kerek. Qazaqstandaǵy muraǵat salasy uzaq merzimdi strategıalyq qujatty qajet etedi. Biz qazirgi jaǵdaıdy túsinýimiz kerek, bul - ádisnama máseleleri, IT daǵdylary bar jańa býyn kadrlaryn daıyndaý jáne elektrondyq (sıfrlyq) aqparattyń qaýipsizdigi máseleleri.
«Ulttyq muraǵat qory jáne muraǵattar týraly» zańnyń 25 jyldyǵyna oraı biz «Tarıhı qujat – urpaqqa amanat» muraǵat marafony biryńǵaı jobasyna biriktirilgen qalalyq, respýblıkalyq jáne halyqaralyq deńgeıdegi birqatar is-sharalardy josparladyq.
Spıkerler qandaı is-sharalar kútiletinin aıtty. Dóńgelek ústelder, tarıhı-qujattyq kórmeler, prezentasıalar, taqyryptyq kezdesýler, sporttyq týrnırler men tabıǵatty qorǵaý sharalary uıymdastyrylady. Jastar úshin «Otandyq muraǵattardy qalaı jańǵyrtýǵa bolady? Jańa ıdeıalardy izdeý jolynda» breınstormıng formatynda kásibı problemalardy talqylaý uıymdastyrylady. Muraǵatshylar arasynda voleıboldan jáne ústel tenısinen ashyq týrnırler josparlanǵan.
Marafonnyń basty maqsaty – múmkindiginshe kóp adamǵa Qazaqstan tarıhynyń muraǵattyq muralary, biregeı jáne baǵa jetpes qujattary týraly bilýge múmkindik berý.