Amanat partıasy Májilis saılaýyna barlyǵy 119 kandıdat usyndy.
Amanat partıasynyń kezekten tys sezinde Májilis depýtattyǵyna kandıdattardyń tizimi bekitildi, dep habarlaıdy Almaty-akshamy.kz
Úmitkerler arasynda burynǵy Oqý-aǵartý mınıstri Asqat Aımaǵambetov jáne tanymal aıtysker Rınat Zaıytov bar.
Amanat partıasy Májilis saılaýyna barlyǵy 119 kandıdat usyndy. Partıalyq tizim boıynsha 90, al bir mandattyq okrýg boıynsha 29 adam engizilip otyr.
Aldaǵy Májilis saılaýyna partıalyq tizim boıynsha túsetin kandıdattardyń arasynda burynǵy Oqý-aǵartý mınıstri Asqat Aımaǵambetov, tannymal aıtysker aqyn Rınat Zaıytov, jýrnalıs Nartaı Aralbaıuly, "Qazaqstan KVN Odaǵy" qoǵamdyq birlestiginiń prezıdenti Esen Eleýken, boksshy Fırýza Sháripova bar.
Sondaı-aq, Májilisti basqarǵan, Amanat partıasynyń tóraǵasy Erlan Qoshanov ta aldaǵy saılaýda depýtat mandatyna talasady.
Amanat partıasynyń kezekten tys sezinde saılaýǵa qatysatyn úmitkerler tizimi biraýyzdan bekitildi.
Al máslıhat depýtattyǵyna partıadan 3821 kandıdat usynyldy. Májilis jáne máslıhat depýtattarynyń kezekten tys saılaýy 19 naýryzda ótedi.