Úsh bala anasyz qaldy
Túrkistan oblysynda er adam áıelin burynǵy kúıeýinen qyzǵanyp, atyp tastaǵan, - dep habarlaıdy Almaty-akshamy.kz otyrar.kz-ke silteme jasap.
Basylym málimetinshe, Túrkistan oblysynyń qylmystyq ister jónindegi mamandandyrylǵan aýdanaralyq soty azamattyq nekedegi áıelin qyzǵanyshtan óltirgen 41 jastaǵy er adamǵa úkim shyǵarǵan.
Qaıǵyly oqıǵa Saýran aýdanynyń Qarajon aýylynda bolǵan. Tergeý materıaldaryna sáıkes, áıel 34 jasta bolǵan. Onyń azamattyq nekedegi kúıeýi basyna 16 kalıbrli myltyqtan oq atqan. Áıel oqıǵa ornynda qaza tapqan.
Sotta ol áıeldi óltirgisi kelmegenin, tek qorqytqysy kelgenin aıtqan. Alaıda 2, 15 jáne 16 jastaǵy úsh bala anasyz qaldy.
Er adam 18 jylǵa eń joǵary qaýipsizdik kolonıasynda jazasyn óteıdi. Úkim zańdy kúshine engen.