Qurylys jobasy ınvestor esebinen bastalǵan
Oralda eki jyl buryn kúrep tastaǵan №31 mekteptiń ornyna jańasy áli salynǵan joq. Tek irgetasy ǵana quıylǵan.
Qazir 400-den astam oqýshy temir joldyń arǵy betindegi mektepke qatynap oqıdy. Qurylys jobasy ınvestor esebinen bastalǵan edi. Alǵashynda jer daýy týyndady. Ol másele sheshilgenimen qurylys ýaqytyly júrgizilmedi. Qazir múlde toqtap qaldy. Jańa ǵımaratty saryla kútken turǵyndar balalardyń jaǵdaıyna alańdaıdy. Jol uzaq, onyń ústine temir joldan ótý qaýipti. Al ákimdik ókilderi qurylystyń toqtaýyn materıaldardyń qymbattaýymen baılanystyryp otyr.
«Oblysta úsh aýysymmen bilim beretin 10 mektep jáne apatty dep tanylǵan 6 mektep máselesin sheshý úshin bizge 16 jyl kerek. Alaıda ýaqyt únemdeý úshin biz salaǵa ınvestorlardy tartyp otyrmyz. Tek materıaldardyń qymbattap ketýi kedergi bolyp tur. №31 mekteptiń qurylysy boıynsha ınvestor nesıe rásimdep jatyr. Qaryz alǵan soń tıisti jumysyn jalǵastyrady. Kelisim-shart boıynsha joba 2023 jyly aıaqtalýy qajet. Soǵan deıin ǵımaratty salyp úlgiredi»,-dedi oblystyq qurylys basqarmasynyń basshysy Álibek Antazıev.