700-ge jýyq jas sportshy saıysqa tústi
Almatyda taekvondo federasıasynyń 30 jyldyǵy men Dıhan Ahaevtyń 70 jyldyǵyna oraı jasóspirimder arasynda respýblıkalyq ashyq birinshilik ótti, dep habarlaıdy Almaty-akshamy.kz Almaty.tv-ge silteme jasap.
Chempıonatqa elimizdiń birqatar óńirinen 30 komanda qatysyp, 700-ge jýyq jas sportshy saıysqa tústi. Sharanyń ashylýynda uıymdastyrýshylar taekvondonyń damýyna úles qosqan jandardy marapattap, shyǵys jekpe-jeginiń ádis-tásilderin kórsetti.
«Bul sporttyq is-sharada bizdiń jastarymyz shynyǵady. Erteń solardyń arasynan elimizdiń, Azıanyń, Halyqaralyq chempıondar shyǵady. Bizdiń kók baıraǵymyzdy úlken jarystarda jelbiretedi degen senimdemin», – dedi Taekvondo federasıasynyń prezıdenti Baqtıar Ónerbaev.
Uıymdastyrýshylar Almatyda taekvondo sportynyń jaqsy damyp kele jatqanyn aıtady. Shyǵys jekpe-jek ónerine uldardan bólek, qyz balalar arasynda da qyzyǵýshylyq joǵary eken.
«Nátıjeleri jaqsy. Kórsetkishteri myqty. Taekvondony 2 jyl burynǵymen salystyrǵanda úlken ózgeris bar», – dedi Mamandandyrylǵan joǵary sport sheberligi mektebiniń dırektory Saǵat Syrlybaev.