Qazirgi tańda elimizdiń aldynda turǵan basty máselelerdiń biri – energetıkalyq qaýipsizdikti qamtamasyz etý. Álemde energıa kózderine degen suranys artyp keledi, al Qazaqstannyń energetıka júıesi zaman talabyna saı jańartýdy qajet etedi. Osy turǵyda atom elektr stansıasyn (AES) salý – elimizdiń bolashaǵyna jasalǵan mańyzdy qadam.
AES salý – qorshaǵan ortany qorǵaýdyń, ekonomıkalyq turaqtylyqty arttyrýdyń jáne bolashaq urpaqtyń ál-aýqatyn qamtamasyz etýdiń tıimdi joly. Atom energetıkasy taza, senimdi jáne tıimdi energıa kózi bolyp tabylady. Ozyq tehnologıalardy paıdalaný arqyly AES-tiń qaýipsizdigi de joǵary deńgeıde qamtamasyz etiledi.
"Qazaqstannyń energetıkalyq táýelsizdigi úshin atom energetıkasy mańyzdy. AES salý – bizge jańa múmkindikter ashyp, aldaǵy onjyldyqtarda turaqty damýdyń kepili bolmaq. Elimizde osyǵan qajetti barlyq alǵysharttar bar – ýran qory mol, ǵylym men tehnologıa jetilgen, kadrlar daıyndaýǵa da daıynbyz", – dep atap ótti Janarbek Áshimjan.
Bolashaqta AES arqyly Qazaqstan energetıkalyq qajettilikterin tolyqtaı qamtamasyz etip, ekologıalyq taza tehnologıalardy engize otyryp, turaqty damýǵa qadam basady dep senemin.