Halyqaralyq Túrki mádenıeti uıymy 2024 jyl – túrki áleminiń uly aqyny, oıshyl Maqtumquly Pyraǵy jyly dep jarıalady.
Onyń mereıtoıy 2024-2025 jyldary IýNESKO-men birge atap ótiletin ataýly kúnder tizimine endi. Mereıtoı aıasynda Túrkimenstanda oıshyl Maqtumquly Pyraǵynyń týǵanyna 300 jyl tolýyna oraı halyqaralyq konferensıa uıymdastyryldy, dep habarlaıdy almaty-akshamy.kz.
Konferensıaǵa 20 eldiń mádenıet mınıstrlerimen birge QR Mádenıet jáne aqparat mınıstri Aıda Balaeva da qatysty. Aıda Balaeva quttyqtaý sózinde kúlli shyǵys áleminiń óskeleń urpaǵy men jastar úshin aqyn shyǵarmalarynyń róli mańyzdy ekenin atap ótti.
«Búgin biz qarym-qatynasymyzdyń qarqyndy damyp kele jatqanyn jáne mádenı-gýmanıtarlyq salada ózara tyńǵylyqty jumys júrgizilip jatqanyn kórip otyrmyz. Munyń bári eki el kóshbasshylarynyń kúsh-jigeri men senimdi, dostyq baılanystarynyń arqasynda ekeni sózsiz. Maqtumquly Pyraǵynyń mol murasy bizdiń halyq úshin asa mańyzdy. Dostyqtyq sımvoly, qazaq halqynyń aqynǵa jáne onyń búkil baýyrlas túrikmen halqyna degen qurmetiniń begisi retinde el astanasynda uly oıshylǵa eskertkish ornatý úshin qajetti jumystar júrgizilip jatyr», - dep atap ótip, mınıstr Maqtumquly Pyraǵy atyndaǵy halyqaralyq ádebı syılyqty taǵaıyndaýdy usyndy.
Aıda Balaeva áriptesterin taý tulǵalardyń shyǵarmashylyǵyn júıeli túrde nasıhattap, olardyń shyǵarmashylyǵy arqyly álemdik mádenı keńistikke shyǵýǵa shaqyrdy. Aıta keteıik, Ashhabadta Túrikmen aqyny Maqtumquly Pyraǵynyń eskertkishi ashyldy.
Aqyn músini 60 metrlik monýmentaldy eskertkish túrinde turǵyzylǵan. Atalmysh nysan túrli elder men dáýirdegi álemge áıgili jazýshylar men aqyndardyń 24 músinin biriktiretin jańa mádenı-saıabaq kesheniniń quramyna kirdi.