20 naýryzda Naýryz meıramyn toılaý aıasynda elordadaǵy «Arǵymaq» at-sporty kesheninde ulttyq sport kúnine arnalǵan «NAÝRYZNAMA: Ulttyq sport kúni» merekelik is-sharasy ótedi, dep habarlaıdy almaty-akshamy.kz.
Merekelik is-shara aıasynda kókpar, aýdaryspaq, teńge ilý, qyz qýýdan kórsetilimder jáne toǵyzqumalaq pen asyq atýdan sheberlik sabaqtary josparlanǵan.
Qonaqtarǵa qazaqy tazy jáne búrkit kórsetiledi. Sondaı-aq, qolónershiler jármeńkesi, ulttyq sport ardagerlerin marapattaý rásimi jáne merekelik konserttik baǵdarlama ótedi.
İs-sharany QR Týrızm jáne sport mınıstrliginiń qoldaýymen QR Ulttyq sport qaýymdastyǵy Astana qalasynyń ákimdigimen birge uıymdastyrdy.
İs-shara Astana qalasy «Arǵymaq» at-sport kesheni, Rojdestvenskaıa tas joly, 3 meken jaıynda ótedi.
Ýaqyty: 20 naýryz (sársenbi), saǵat 10.00-de.
Dress-kod: ulttyq kıim