Bul áskerı ordeni 1995 jyly bekitilgen.
Budan bylaı ordenniń birinshi dárejesine Saǵadat Nurmaǵambetovtiń, ekinshi dárejesine – Baýyrjan Momyshulynyń, úshinshi dárejesine – Rahymjan Qoshqarbaevtyń esimi berilmek, dep habarlaıdy Almaty-akshamy.kz
Májilistiń jalpy otyrysynda "Qazaqstan Respýblıkasynyń memlekettik nagradalary týraly" zańyna ózgerister men tolyqtyrý engizý týraly zań jobasy qabyldandy.
"Prezıdent Qasym-Jomart Toqaev bıylǵy 15 naýryzda "Adal adam – Adal eńbek – Adal tabys" atty ulttyq quryltaıdyń úshinshi otyrysynda "Aıbyn" ordeniniń ártúrli dárejelerine Saǵadat Nurmaǵambetov, Baýyrjan Momyshuly jáne Rahymjan Qoshqarbaev esimderin berý týraly ıdeıany aıtty. Memleket basshysy bul tarıhı ádilettilikti qalpyna keltirý jáne jaýyngerlerimizdiń erligin eske alý isindegi taǵy bir mańyzdy qadam bolatynyn atap ótti. Mundaı sheshim osy nagradalar arqyly bizdiń ataqty otandastarymyzdyń batyrlyq rýhyn jańǵyrtady jáne olardyń ıelerin Otanǵa janqıarlyqpen qyzmet etýge shabyttandyrady", - dedi depýtat Aıgúl Quspan.