Partıalyq jumysty qaıta qurý kerek.
Partıaǵa senim men yntymaqtastyqqa negizdelgen qarym-qatynastyń jańa mádenıeti kerek. Bul týraly AMANAT partıasynyń sezinde Prezıdent Qasym-Jomart Toqaev málim etti, dep habarlaıdy Almaty-akshamy.kz QazAqparatqa silteme jasap.
Prezıdent partıa rebrendıngi onyń ataýy men jazylýyn ózgertýdi ǵana bildirmeıtinin atap ótti. Birinshi kezekte barsha partıalyq jumysty qaıta qurý kerek.
«Partıany transformasıalaý boıynsha búgin usynylǵan pikirdi qoldaımyn. Sonymen birge, birqatar basymdyqty mindetterdi atap ótemin. Birinshiden, partıalyq apparatty ortalyqsyzdandyrý men tıimdiligin arttyrý. Partıalyq apparattyń jumysynda búrokartıanyń eń nashar tustary kórine bastady, ıaǵnı jelilik kesteler, esepter, formaldy is-sharalar saılaýshylarmen naqty jumysty ekinshi jaqqa ysyryp tastady», - dedi Prezıdent.
Memleket basshysynyń paıymynsha, sondyqtan ortalyq apparattyń fılıaldarmen jáne bastapqy uıymdarmen ózara is-qımyly ádistemesin tolyqtaı qaıta qarastyrý kerek.
«Búrokratıa men qaǵazbastylyqtan tabandy túrde bas tartý mańyzdy. Óńirlik fılıaldar men bastapqy uıymdar ózdiginen saılaýshylarmen jumys isteýi kerek. Ortalyq apparat dırektıvti ári qolmen basqarý tájirıbesin joıýy qajet. Onyń maqsaty – jalpy partıalyq vektordy qurý, ádistemelik ári ıdeologıalyq qoldaýdy qamtamasyz etý, kadrlardy oqytý, júıeli problemalardy taldaý. Partıaǵa senim men yntymaqtastyqqa negizdelgen qarym-qatynastyń jańa mádenıeti kerek», - dedi Qasym-Jomart Toqaev.
Budan buryn habarlanǵandaı, búgingi sez barysynda Nur Otan partıasynyń ataýyn «Amanat» dep ózgertý týraly sheshim qabyldandy.