Prezıdent Joldaýynda kórsetilgen máselelerdiń ómirlik mańyzy bar jáne bizdiń qoǵam budan úlken úmit kútedi
Prezıdent Qasym-Jomart Toqaev jyl saıynǵy Qazaqstan halqyna Joldaýynda pandemıadan keıingi kezeńde eldiń odan ári ekonomıkalyq damýy úshin naqty mindetter qoıdy. Mundaı pikirdi Almaty qalasy qoǵamdyq keńesiniń múshesi Ahmetjan Shardınov aıtty, - dep habarlaıdy Almaty-akshamy.kz.
Onyń pikirinshe, Prezıdent elge odan ári reformalardyń aýqymdy jáne naqty josparyn usyndy.
«Maǵan Prezıdenttiń eldegi jaǵdaıdy qanshalyqty jaqsy biletini qatty áser etti. Ol sóziniń basynan bastap pandemıa kezeńiniń el ekonomıkasy men azamattardyń áleýmettik jaǵdaıyna keri áserin tıgizetinine toqtaldy. Bul rette Memleket basshysy óńdeý ónerkásibiniń rólin túsiný kerektigin aıtty. Joldaýda memlekettik basqarý, bank jáne kvazımemlekettik sektor taqyrybyna da kóp kóńil bólindi. Memleket basshysy agroónerkásip keshenine toqtalyp, bul salada problemalar kóp ekenin aıtty. Al eń bastysy - aýyl sharýashylyǵy ónimderiniń baǵasyn deldalsyz bir organ úılestirip, baqylaıdy. Bul saladaǵy máselelerdi sheshýge fermerlerdi de tartý qajet», - dedi Ahmetjan Shardınov.
El Prezıdenti halyqty áleýmettik qorǵaýǵa erekshe mán berdi.
«Halyqty áleýmettik qorǵaý turǵysynan Qasym-Jomart Toqaev eń tómengi jalaqy 2018 jyldan beri kóterilmegenin eske saldy. Sondyqtan ol 2022 jyldyń 1 qańtarynan bastap eń tómengi jalaqyny 60 myń teńgege deıin kóterýdi uıǵardy. Menedjment, aglomerasıa, jasyl ekonomıkany damytý, energetıka jáne basqa da máseleler aıtyldy. Sonymen qatar, bar máselelerdi sheshý joldary berildi », - dep atap ótti spıker.
Onyń aıtýynsha, Joldaý eń aldymen halyqtyń ál-aýqatyn arttyrýǵa baǵyttalǵan.
«Meniń oıymsha, Prezıdenttiń bıylǵy Joldaýy eń aldymen azamattardyń ál -aýqatyn arttyrýǵa baǵyttalǵan, sondyqtan olar ózderin jaıly sezinedi. Sondyqtan joǵaryda atalǵan máselelerdi bárimiz birge sheshýimiz kerek», - dep qosty Ahmetjan Shardınov.
Esterińizge sala keteıik, keshe Memleket basshysy Parlament Palatalarynyń birlesken otyrysynda jyl saıynǵy Qazaqstan halqyna Joldaýyn jarıalady.