Ult ustazy – Ahmet Baıtursynulynyń Lenınge jazǵan 3 birdeı haty tabyldy.
Bul týraly Almatyda ótken halyqaralyq ǵylymı-tájirıbelik konferensıaǵa qatysqan otandyq ǵalymdar málimdedi, dep habarlaıdy Almaty-akshamy.kz.
Ahmet Baıtursynulynyń 150 jyldyǵyna arnalǵan jıynda qoǵam qaıratkeriniń eńbek joly jaıly shetel jáne qazaqstandyq zertteýshiler jazǵan 12 kitaptyń tusaýy kesildi. Ǵalym reformatordyń Vladımır Lenınge jazǵan hattary osy kezge deıin kópshilikke beımálim bolǵan málimetterdi, tyń derekterdi zertteýge sep bolady deıdi, jıyn qatysýshylary.
«Osy úsh maqalanyń ózinde ǵana qoǵamdyq, áleýmettik jaǵdaıǵa degen ulttyq kózqarasyn aıqyn kórýge bolady. Búkil álemdegi teńdik máselesi. Bólshevıkterdiń kelgen kezdegi urany men onyń isteri bir-birine sáıkes kelmeıtinin Aqań ashyp kórsetedi. Sol kezdegi geosaıasatty Aqańnyń murasymen qaıta qaraýǵa múmkindik týady dep oılaımyn», - deıdi M.Áýezov atyndaǵy ádebıet jáne óner ınstıtýtynyń dırektory Kenjehan Matyjanov.