Zertteýde telefon arqyly saýalnama ádisi qoldanyldy.
«Qoǵamdyq pikir» zertteý ınstıtýty aǵymdaǵy jyldyń 4-6 qarasha aralyǵynda sosıologıalyq saýalnama júrgizgen, dep habarlaıdy Almaty-akshamy.kz
Ólshemge sáıkes, 2022 jylǵy 20 qarashadaǵy prezıdenttik saılaýǵa yqtımal saılaýshylardyń qatysý deńgeıi 71,6 paıyzdy qurady. Bul daýys berýge bel býǵandardyń jalpy úlesi (55,4%) jáne daýys berýi ábden múmkin degender (16,2%). Saýalnama júrgizý kezinde naqty jaýap bere almaǵan respondentterdiń úlesi 18,3% qurady, olar ózderiniń qatysý yqtımaldyǵyn «50/50» dep baǵalaǵan. 6,1 paıyzy daýys berýge nıetti emes. Sheshimsiz – respondentter 4% quraǵan.
Jalpy respondentterdiń 84,4%-y 2022 jylǵy qarashada ótetin prezıdenttik saılaý ádil ótedi dep senedi. Árbir onynshy (11%) qarsy pikirdi ustanady: senbeıtinder – 6,2%, múlde senbeıdi – 4,8%. 4,6% jaýap berýge qınalǵan.
Saýalnamaǵa 17 oblys pen respýblıkalyq mańyzy bar qalalardan Astana, Almaty jáne Shymkent qalalarynan 18 jastan asqan 1200 respondent qatysty. Zertteýde telefon arqyly saýalnama ádisi qoldanyldy. Saýalnama OSK-nyń 2022 jylǵy 30 qyrkúıektegi № OSK-08-18/1179 habarlamasyna sáıkes OSK-nyń resmı ruqsatymen júrgizildi.