Bıyl uly aǵartýshy ǵalym, qoǵam jáne saıası qaıratker Ahmet Baıtursynulynyń týǵanyna 150 jyl tolyp otyr.
Ahmet Baıtursynulynyń 150 jyldyq mereıtoıyna oraı 12 tomdyq shyǵarmalar jınaǵy jaryq kóredi, dep habarlaıdy Almaty-akshamy.kz
«Mereıtoı aıasynda birqatar mańyzdy ǵylymı-zertteý, mádenı jáne qoǵamdyq is-sharalar uıymdastyryldy. Jyl sońyna deıin Ahmet Baıtursynulynyń 12 tomdyq eńbekter jınaǵyn basyp shyǵarý jáne ony elimizdiń kitaphanalaryna taratý josparlanǵan. Sondaı-aq mereıtoı aıasynda uly aǵartýshynyń ómiri men qyzmeti týraly tolyqmetrajdy kórkem fılm túsirilimi josparlanyp otyr», - delingen Mádenıet jáne sport mınıstrliginiń baspasóz qyzmeti taratqan aqparatta.
Jyl basynan beri Ahmet Baıtursynulynyń esimi respýblıkamyzdaǵy 1 aýylǵa, 200-den astam kóshege jáne 39 mektepke, 1 áýejaıǵa, 1 mýzeıge berilgen.
«Búginde biz ult ustazy, qazaq til biliminiń atasy, tól álipbıimizdiń negizin qalaýshy Ahmet Baıtusynulynyń 150 jyldyǵyn atap ótýdemiz. Ókinishke qaraı, kıeli Torǵaıdaǵy búgingi torqaly toı tilsiz jaýdyń kesirinen toqtatylyp otyr. Kesheli beri Qostanaı halqyna qol ushyn sozyp jatqan jandardyń sany artyp keledi. Bul – birligimiz ben yntymaǵymyzdyń belgisi. Halqymyz qandaı qıyndyqty da osyndaı birlikpen eńsergen. Eń bastysy, el aman bolyp, uly toıdyń qaıta jańǵyrýyna tilektespin», – dedi QR Mádenıet jáne sport mınıstri Dáýren Abaev.