Jarysqa álemniń 28 elinen 140 atlet qatysady.
Almatydaǵy jańa "ADD" ústel tenısi ortalyǵynda 13-18 qyrkúıek aralyǵynda ústel tenısinen "WTTContenderAlmaty" halyqaralyq týrnıri bolady, dep habarlaıdy Almaty-akshamy.kz Inbusiness.kz silteme jasap.
Oǵan álemniń 28 elinen 140 atlet qatysady. Júlde qory 75 myń dollar bolatyn Contender serıasynyń álemdik deńgeıdegi týrnıri Qazaqstanda alǵash ret ótpek.
"Qazaqstan ústel tenısi federasıasy árdaıym halyqaralyq federasıa qamqorlyǵymen bedeldi týrnırler uıymdastyrýǵa nıetti ekenin aıtyp keledi. Bul bizdiń elimizdegi ústel tenısi boıynsha alǵashqy halyqaralyq oqıǵa emes. 2017 jyly Nur-sultan qalasynda álemniń eń myqty sportshylarynyń qatysýymen "ITTFWorldTourGrandFinals" halyqaralyq týrnıri ótkizildi. Ótken jyly biz "ITTFInternationalKazakhstanOpen" halyqaralyq týrnırin ótkizdik. Qazirgi týrnır qazaqstandyq sportshylardyń óz aýmaǵynda bedeldi halyqaralyq týrnırge qatysýynyń biregeı múmkindigin usynady.Biz halyqaralyq federasıanyń bizge kórsetken senimin joǵary baǵalaımyz jáne osy týrnırdi jyl saıyn ótkizýdi josparlap otyrmyz",– dedi Ulttyq ústel tenısi federasıasynyń prezıdenti Danıar Ábilǵazın.
Týrnırge álemdik ústel tenısiniń ataqty juldyzdary, onyń ishinde Olımpıada oıyndarynyń birneshe dúrkin júldegeri jáne Álem Kýbogynyń jeńimpazy Dmıtrıı Ovcharov (Germanıa),Olımpıada oıyndarynyń qola júldegeri Lın Iýnjý (Qytaı Taıbeı), Álem chempıonatynyń kúmis júldegeri Mattıas Falk (Shvesıa), Eýropa chempıony, Olımpıada oıyndarynyń qola júldegeri Dang Sú (Germanıa), Álem chempıonatynyń qola júldegeri An Dje-hen (Ońtústik Koreıa) jáne basqalar qatysady.
ITTF jáne WTT erejelerine sáıkes, atalǵan týrnırde Qazaqstan namysyn 11 er adam men 11 áıel qorǵaıdy, olardyń arasynda qurama lıderi, Rıo-2016, Tokıo-2020 Olımpıada oıyndarynyń qatysýshysy jáne kóptegen halyqaralyq týrnırlerdiń jeńimpazy kırıllgerasımenko, sondaı-aq halyqaralyq jarystardyń birneshe dúrkin júldegeri, Azıa jasóspirimder chempıonatynyń qola júldegeri Alan Qurmanǵalıev bar.
Týrnırdi tikeleı efırde "QAZSPORT" telearnasy men ITTF halyqaralyq federasıasynyń resmı saıty kórsetedi.