Endi mektep oqýshylary Qazaqstan tarıhyn QR Ulttyq mýzeıinde oqı alady.
Mádenıet jáne sport mınıstri Dáýren Abaev «Mýzeıdegi oqý kúni» atty jańa mádenı-bilim berý jobasynyń bastalǵany týraly habarlady. Sabaqtyń taqyryby men mazmuny oqý baǵdarlamasyna tolyq sáıkes keledi, dep habarlaıdy Almaty-akshamy.kz.
Joba 5-9 synyp oqýshylarynyń qoǵamdyq-gýmanıtarlyq pánder boıynsha teorıalyq bilimderin bekitýge baǵyttalǵan.
«Balalar tól tarıhymyzdy mýzeı eksponattarynyń kómegimen zertteıtin bolady, bul - balalar úshin de, pedagogtar úshin de tamasha múmkindik. Zertteýshi ǵalymdar, QR Ulttyq mýzeıiniń ekskýrsıa jetekshileri orta mekteptiń tarıh pániniń muǵalimderimen birlesip, geımıfıkasıa elementterin qoldana otyryp, ınteraktıvti sabaqtar ótkizedi. Sabaq barysynda oqýshylar eksponattarmen jaqynyraq tanysyp, artefaktilerdiń kóshirmelerin qolda ustaı alady», - dep atap ótti QR Mádenıet jáne sport mınıstri Dáýren Abaev.
Sabaqtar mýzeıdiń ekspozısıa zaldarynda ótedi. Bir dáristiń uzaqtyǵy 35-45 mınýtty quraıdy. Elimizdiń basqa qalalarynyń oqýshylary úshin mýzeı sabaqtary jaqyn arada onlaın formatta qoljetimdi bolady. Ol úshin mýzeı qyzmetkerleri vıdeosabaqtar daıyndaǵan.
Aıta keteıik, joba Balalar jyly aıasynda júzege asyp otyr.