Bul sektordaǵy jeke kásipkerdiń úshten biri Túrkistan oblysynda jumys isteıdi.
Bıylǵy jyldyń 1 qańtaryndaǵy málimet boıynsha, respýblıkada aýyl, orman jáne balyq sharýashylyǵy salasynda 255,6 myń jeke kásipker tirkelgen, bul bir jyl burynǵydan 0,3%-ǵa az, dep habarlaıdy Almaty-akshamy.kz Energyprom.kz saıtyna silteme jasap.
Onyń ishinde kásipkerlerdiń 94,4%-y jumys istep turǵan, ıaǵnı 241,2 myń kásipker, bul ótken jylǵydan mınýs 1%. Eskertý: bul 2017 jyldan beri agroónerkásip kesheninde jumys istep jatqan jeke kásipkerler sanynyń birinshi ret azaıýy.
Óńirler boıynsha alǵanda sektordaǵy jeke kásipkerlerdiń basym bóligi Túrkistan oblysynda jumys isteıdi: 78,7 myń jeke kásipker – bir jyl burynǵydan 2,9%-ǵa az. Úzdik úshtikke Almaty (45,5 myń jeke kásipker, jylyna mınýs 2,5%) jáne Jambyl (24,2 myń jeke kásipker, mınýs 4,1%) oblystary da kirdi.
Elimizde aýyldaǵy kásipkerlikti damytý boıynsha keshendi sharalar ázirlenýde, dep habarlaıdy Qazaqstan Respýblıkasy Premer-Mınıstriniń resmı resýrsy. Bul sharalar aýyldardyń bas josparlaryn qalyptastyrýdy, kásipkerlikke oqytýdy, jeńildetilgen nesıeler men granttardy berýdi ónimder men qyzmetterdi satyp alýdy kepildendirýdi qamtıdy.
Jalpy, aýyl sharýashylyǵy salasynda kásipkerlik qyzmetti júzege asyratyn shaǵyn kásiporyndar úshin 2021 jyldyń úshinshi toqsanynyń qorytyndysy boıynsha jumys isteıtinder sany bir jylda 3,6%-ǵa ósip, 75,6 myń adamdy qurady.
Úzdik úshtikke Aqmola (13,8 myń adam), Soltústik Qazaqstan (12,7 myń adam) jáne Qostanaı (10,2 myń adam) oblystary kirdi.
Bul salada eń az jumyspen qamtylǵandar Mańǵystaý oblysynda – nebári 618 adam.
