Densaýlyq saqtaý mınıstrligi medısınalyq kómektiń sapasyn jaqsartý maqsatynda qazaqstandyqtardan 100 kún boıy usynystar qabyldaıdy. Bul týraly vedomstvo basshysy Ajar Ǵınıat málim etti, dep habarlaıdy Almaty-akshamy.kz
«Memleket basshysynyń «Halyq únine qulaq asatyn memleket» negizgi qaǵıdattaryn iske asyrýdyń mańyzdylyǵyn nazarǵa ala otyryp, Densaýlyq saqtaý mınıstrligi azamattardyń saýaldaryna ýaqtyly jáne tez kóńil bólip, el azamattarynyń ómiri men densaýlyǵyn saqtaý jónindegi áleýmettik saıasattyń basym mindetterin iske asyrý boıynsha búkil kúsh-jigerin jumsaıdy.
Soǵan baılanysty, jumysta ashyqtyq pen jarıalylyqty ustanyp, bizdiń azamattarymyzdyń múddelerine basymdyq bere otyryp, búrokratıasyz, qarapaıym azamattardyń, qoǵam músheleriniń qatysýymen sizdermen ashyq dıalog qurý úshin qoldaý kórsetýge shaqyramyz jáne densaýlyq saqtaý júıesin jaqsartý úshin «100 kún - 100 suraq» birlesken jobasynyń bastalǵany týraly habarlaımyz.
Tómende kórsetilgen áleýmettik jelilerdegi akkaýnttar men elektrondyq poshtaǵa medısınalyq kómektiń sapasyn jaqsartý men densaýlyq saqtaýdyń basqa da aspektileri týraly óz usynystaryńyzdy engizýdi suraımyn», - dep jazdy mınıstr.
Densaýlyq saqtaý mınıstrligine kelesi baılanys tetikteri arqyly aryz-usynys joldaýǵa bolady: elektrondy poshta - 100dnei100voprosov@mail.kz; resmı saıt - https://www.gov.kz/memleket/entities/dsm?lang=ru; áleýmettik jelilerdegi resmı paraqshalar - https://instagram.com/healthcare.gov.kz?utm_medium=copy_link; https://www.facebook.com/MinzdravRK