Qazirgi ýaqytta 57 ishki baǵytta 605 turaqty reıs oryndalyp jatyr
Qazaqstanda ishki áýe reısteri tolyq qalpyna keltirildi. Bul týraly QR Indýstrıa jáne ınfraqurylymdyq mınıstrliginen málim etti, dep habarlaıdy Almaty-akshamy.kz QazAqparatqa silteme jasap.
«El aýmaǵynda tótenshe jaǵdaı rejıminiń alynyp tastalýyna baılanysty ishki áýe reısteri tolyq qalpyna keltirildi. Qazirgi ýaqytta 57 ishki baǵytta 605 turaqty reıs oryndalyp jatyr. Tótenshe jaǵdaı kezinde ushpaı qalǵan áýe reısteriniń jolaýshylary bılet qunyn tolyqtaı qaıtaryp nemese satyp alǵan jerlerine baryp, basqa kúnderge tegin aýystyra alady. Eldegi epıdemıologıalyq jaǵdaıǵa sáıkes, áýe reısteri Qazaqstan Respýblıkasynyń Kóliktegi Bas memlekettik sanıtarlyq dárigeriniń 2022 jylǵy 13 qańtardaǵy №3 qaýlysyna sáıkes oryndalady», - delingen vedomstvo aqparatynda.