Mereıli datany merekeleý qurmetine Alataý aýdanynda Almaty ákimi Baqytjan Saǵyntaev pen TJ birinshi vıse-mınıstri Ibragım Kúlshimbaevtyń qatysýymen zamanaýı órt sóndirý deposynyń saltanatty ashylýy ótti, dep habarlaıdy Almaty-akshamy.kz
Megapolıs ákimi B.Saǵyntaev órt sóndirý deposynyń, TJD qyzmetkerleri men ardagerlerin eń basty mereke – 30 jyldyq mereıtoıymen ári erekshe mánge ıe
Táýelsizdik kúnimen quttyqtady.
«Táýelsizdiktiń arqasynda elimiz, qalamyz ósip, damyp keledi. Búgin biz josparly túrde Jańa Almatynyń qalaǵa qosylǵan shaǵynaýdandarynda jaıly ómir súrý jaǵdaılaryn qamtamasyz etemiz. Sonymen qatar, qoǵamdyq qaýipsizdik kúsheıtilip, polısıa beketteri jáne bıyl ekinshi ret órt sendirý deposy ashylýda», - dedi Baqytjan Saǵyntaev qala turǵyndarynyń ıgiligi úshin jaqsy qyzmet tiledi.
Jańa órt sóndirý deposynyń jalpy alańy 3524 sh.m 6 shaqyrylymǵa eseptelgen, oqıǵa ornyna deıin jol júrý ýaqytyn qysqartýǵa múmkindik beredi jáne Alataý aýdanynyń Indýstrıaldy aımaǵyn, onyń ishinde "Saıaly", "Kók-Qaınar", "Tomırıs", "Mádenıet" shaǵynaýdandary men 71 razezdiń órt qaýipsizdigin qamtamasyz etý jónindegi jumystyń tıimdiligin arttyrady.
Aýdannyń belsendi damýyn eskere otyryp, órt sóndirýge arnalǵan tehnıkamen qatar, bólik bıik ǵımarattarǵa arnalǵan arnaıy avtotehnıkamen jabdyqtalǵan.
«Munda 131 qyzmetker jumys isteıdi. Bólimde negizgi jáne arnaıy maqsattaǵy 10 zamanaýı órt sóndirý avtomobılderi ornalasady. Jeke quram úshin turmystyq úı-jaılar, demalys bólmeleri, psıhologıalyq jeńildetý bólmesi, trenajer sport zaly qarastyrylǵan», - dedi Almaty qalasy TJD basshysy Rýslan Qasymbaev.
Kásibı daıyndyq úshin oqý-jattyǵý munarasy, kedergileri bar 100 metrlik jolaq bar. Sondaı-aq, garnızon qyzmetkerleri úshin jataqhana men páterler qarastyrylǵan. Búgingi kúni qalada órtke qarsy qyzmettiń 18 bólimshesi jumys isteıdi.
Eske salsaq, aǵymdaǵy jyldyń qyrkúıek aıynda Naýryzbaı aýdanynda jańa órt sóndirý deposy iske qosyldy. Qazir Bostandyq aýdanynyń Nur-Alataý shaǵyn aýdanynda órt sóndirý deposynyń qurylysy júrip jatyr.
«Jańa Almaty» keshendi josparyn oryndaý aıasynda Almaty ákimdiginen 33 birlik órt sóndirý avtotehnıkasy, órt sorǵy stansıasy, eki órt sóndirý avtosısternasy, 14 órt sóndirý avtosısternasy, 7 jyldam áreket etý avtomobıli, jeńdik avtomobıl, avarıalyq-qutqarý avtomobıli, úsh ÝAZ avtomobıli, shaǵyn avtobýs, samosval, eki júk avtomobıli alyndy.