Kamerýn astanasy Iaýndede YARHA Festival halyqaralyq kınofestıvali ótti. İs-shara aıasynda qazaq kınosynyń arnaıy kórsetilimi uıymdastyryldy.
Ulttyq kınony memlekettik qoldaý ortalyǵynyń kómegimen túsirilgen «Nartaı» fılmi festıváldiń negizgi konkýrstyq baǵdarlamasyna qatysyp, tórt júldege ıe boldy jáne úzdik kórkem fılm atandy, dep habarlaıdy Almaty-akshamy.kz QazAqparatqa silteme jasap.
Sonymen qatar festıvál baǵdarlamasynda basqa da otandyq kartınalar kórsetildi.
«Men sizdiń elde túsirilgen kórkem fılmdi alǵash ret kórip otyrmyn, buǵan deıin tek derekti fılmderdi tamashalaǵan edim. Kıno mamany basqa elden kelgen kásipqoıdyń jumysyn kórgende, eń aldymen kıno tilin túsinýge tyrysady. Bul fılmde ol erekshe, keremet. Bul fılmderdi kórgende, kıno tilinde jetkizilgen belgili bir oqıǵaǵa tap bolamyz jáne meni baýraǵan dál sol sezim», - deıdi shara qonaqtarynyń biri, rejıser, Kann kınofestıvaliniń qatysýshysy Mýsa Týre.
Afrıkalyq kórermen qazaq kınosynyń deńgeıin joǵary baǵalady, al ındýstrıa mamandary seriktestik ornatýdy usyndy.
«YARHA festıvalimen seriktestik kelesi jyly da jalǵasady dep úmittenemin, bul Qazaqstannyń oń ımıjin ilgeriletýge óz úlesin qosatynyna senimdimin. Mádenı dıplomatıa jalǵasýy kerek. Biz qazaqstandyq kartınalardyń Marokko, Týnıs, Senegal jáne Kongo elderinde kórsetilgenin qalaımyz», - dep atap ótti Fransıadaǵy qazaqstandyq kıno qaýymdastyǵynyń prezıdenti Andre Ivanov.
Kamerýndaǵy otandyq fılmderdiń kórsetilimin Fransıadaǵy qazaqstandyq kıno qaýymdastyǵy uıymdastyrdy.
Bul - Afrıkadaǵy alǵashqy osyndaı aýqymdy shara.