Fermerler nesıe alýǵa ótinish berip jatyr.
Qazaqstanda kóktemgi egis jumystaryn júrgizý úshin sharýalarǵa nesıe berý jalǵasady, dep habarlaıdy Almaty-akshamy.kz «Báıterek» ulttyq basqarýshy holdıńine silteme jasap.
2023 jyly «Keń dala» baǵdarlamasy boıynsha kóktemgi egis jáne egin jınaý jumystaryn qarjylandyrýǵa respýblıkalyq búdjetten 140 mlrd teńge bólindi.
«Ótinimdi qabyldaý bastalǵan 9 kúnde aýyl sharýashylyǵy taýaryn óndirýshilerden jalpy somasy 48 mlrd teńgege 1 myń 211 ótinim tústi. Taǵy 668 fermer qujat jınap jatyr. Qarjylandyrýdyń kóp bóligi – 5,8 mlrd teńge nesıe seriktestikteri arqyly berildi. Mıkroqarjy uıymdary arqyly fermerler 800 mln teńge rásimdedi», - dep jazylǵan habarlamada.
Bıyl nesıe alýdy jeńildetý jáne jedeldetý úshin «Agrarlyq nesıe korporasıasy» AQ qarjylandyrýdy tek nesıe seriktestikteri, ekinshi deńgeıdegi bankter jáne mıkroqarjy uıymdaryn qorlandyrý arqyly júzege asyryp jatyr.
Agroónerkásip sýbektileri úshin syıaqysynyń jyldyq mólsherlemesi 5%-dan aspaıdy.
Qarjy janar-jaǵarmaı, aýyl sharýashylyǵy tehnıkasyn jóndeýge qajet qosalqy bólshekter, mıneraldy tyńaıtqysh, tuqym satyp alýǵa jáne egin egý men jınaýǵa arnalǵan ózge de is-sharalarǵa jumsalýǵa tıis.
Fermerlerge beriletin nesıe boıynsha tolyq aqparatty «Agrarlyq nesıe korporasıasy» AQ-nyń oblystyq fılıaldarynan nemese www.agrocredit.kz saıtynan alýǵa bolady.