«Baıtaq» jasyldar partıasynyń Saıası keńes Búrosynyń múshesi Ǵanı Sattarhanulynyń pikirinshe, Qazaqstannyń ekonomıkalyq damýy men jańa kásiporyndar ashý úshin turaqty jáne senimdi energıa kózi qajet.
Bul energıa kózi – atom elektr stansıasy (AES). Sattarhanuly atap ótkendeı, Qazaqstan sıaqty damýshy elder úshin atom energıasy mańyzdy qajettilik bolyp tabylady. Onyń paıymdaýynsha, AES salý elimizdiń energetıkalyq qaýipsizdigin qamtamasyz etip, ekonomıkany nyǵaıtýǵa jáne uzaq merzimdi turaqty damý jolyna shyǵýǵa múmkindik beredi.
Sonymen qatar, Ǵanı Sattarhanulynyń pikirinshe, AES qurylysy arqyly elimizde jańa jumys oryndary ashylyp, tehnologıalyq progres belsendi túrde damıdy. Bul Qazaqstannyń jahandyq energetıkalyq táýeldiligin azaıtyp, ekonomıkany ártaraptandyrýǵa kómektesedi. AES – tómen kómirtekti energetıkanyń bolashaǵy, ol qorshaǵan ortany qorǵaýǵa, parnıktik gazdardyń shyǵaryndylaryn azaıtýǵa úles qosady.
Sondyqtan, Sattarhanuly eldiń aldaǵy ýaqytta energetıkalyq qaýipsizdigin nyǵaıtýda atom energetıkasyn damytý basty mindetterdiń biri bolýǵa tıis ekenin atap ótti.