Depýtat Naýryzbaı Baıqadamovtyń pikirinshe, Qazaqstannyń energetıka salasyn damytý shuǵyl sheshimderdi qajet etedi. Onyń aıtýynsha, atom energetıkasy elimizdi turaqty energıamen qamtamasyz etý jáne ekonomıkalyq turaqtylyǵyn nyǵaıtý jolyndaǵy basty qadam bolmaq.
«Qazaqstannyń damyǵan elder qataryna qosylýy úshin atom elektr stansıasyn salý qajet. Búgingi tańda atom elektr stansıalary álemde keńinen paıdalanylyp jatyr jáne bul baǵyttaǵy eń úzdik tájirıbeni tańdap, elimizge qolaıly nusqany júzege asyrý – bizdiń basty mindetimiz», - dep atap ótti Naýryzbaı Baıqadamov.
AES qurylysy arqyly eldiń energetıkalyq qaýipsizdigin qamtamasyz etý, ekonomıkanyń básekege qabilettiligin arttyrý jáne qorshaǵan ortaǵa zıan keltirmeıtin turaqty energıa kózin damytý maqsatynda mańyzdy qadamdar jasalatyn bolady.