AES salýdy qoldaý jónindegi Halyqtyq shtabtyń jumysy Batys Qazaqstan oblysynda jalǵasyn tapty. Shtab músheleri óńirdiń etnomádenı birlestikteri, volonterler, belsendi azamattar jáne túrli eńbek ujymdarymen birqatar kezdesýler ótkizdi.
Oral qalasyndaǵy «Dostyq» úıinde ótken kezdesýde etnomádenı birlestikterdiń ókilderimen júzdesý uıymdastyryldy. Kezdesý barysynda shtab ókilderi atom energetıkasyn paıdalanýdaǵy damyǵan elderdiń tájirıbesin jáne AES-tyń qaýipsizdigi men tıimdiligi jaıly jan-jaqty aqparat berdi. Jınalǵan qaýym elimizdiń bolashaǵyn anyqtaıtyn bul mańyzdy referendýmǵa ár qazaqstandyqtyń qatysýy qajettigin atap ótti. Bul qadam arqyly Qazaqstanda jańa saıası mádenıet qalyptasatynyna senim bildirildi.
Sol kúni Halyqtyq shtabtyń belsendi jastary oblystyń zamanaýı álemdik trendterine súıene otyryp, elimizde beıbit atomdy damytý baǵytynda jasalyp jatqan jumystarmen tanysty. Jastarǵa AES qurylysy jańa múmkindikter beretinin atap ótti, onyń ishinde bilikti mamandar úshin jaqsy jalaqysy bar ondaǵan myń jańa jumys oryndarynyń ashylatynyna basa nazar aýdaryldy. Osy maqsatta bolashaqta atom energetıkasyn damytý boıynsha memlekettik baǵdarlamanyń aıasynda arnaıy kadrlardy daıarlaý jospary jasalatyn bolady.