Qazaqstanda atom elektr stansıasyn (AES) salý eldiń energetıkalyq qaýipsizdigi men táýelsizdigin nyǵaıtyp, ónerkásiptik jáne tehnologıalyq damý úshin berik irgetas bolmaq.
Sonymen qatar, «jasyl» atom energıasy Qazaqstannyń bıznesine syrtqy naryqtarǵa «las» energıany paıdalanǵany úshin aıyppuldardan qoryqpaı senimdi shyǵýǵa múmkindik beredi. Bul eldiń ónerkásiptik áleýetiniń básekege qabilettiligin aıtarlyqtaı arttyrady.
AES-tiń paıdasy mýltıplıkatıvti áser arqyly kórinis tabady: jańa jumys oryndary ashylady, ınfraqurylym jaqsarady, kómirqyshqyl gaz shyǵaryndylary azaıady jáne elektr energıasynyń turaqty baǵasy qamtamasyz etiledi.
Sonymen qatar, AES salý aımaqtyń qarqyndy damýyna, onyń ishinde ınfraqurylymnyń, joldardyń, mektepter men aýrýhanalardyń qurylysyn jedeldetýge yqpal etedi.