Atom elektr stansıasynyń (AES) qurylysy uzaq ýaqytty talap etedi, sebebi onyń árbir qurylymynyń qaýipsizdigi qatań baqylaýdan ótedi. Ár kezeńde barlyq tehnıkalyq, ekologıalyq jáne qaýipsizdik talaptary tolyq saqtalýy qajet. Bul – atom energetıkasynyń negizgi artyqshylyǵy, sebebi qaýipsizdik birinshi orynda turady.
Ýrandy paıdalanyp AES-ten energıa alatyn bolsaq, onyń paıdalaný koefısıenti 90%-ǵa jetedi. Bul degenimiz, AES turaqty túrde, 24 saǵat boıy, kún-tún demeı úzdiksiz energıa óndiredi. Kún elektr stansıalarynyń paıdalaný koefısıenti nebári 18%-dy quraıdy, bul olardyń 4 ese tıimsiz ekenin kórsetedi.
Keıbireýler AES-ti kez kelgen ýaqytta toqtatyp, qaıta qosýǵa bolady dep oılaýy múmkin, biraq bul durys emes. Atom elektr stansıasyn toqtatyp, qaıta qosý óte kúrdeli jáne ýaqyt alatyn proses.
Atom elektr stansasy eshqashan toqtamaıdy. Ol 24 saǵat boıy úzdiksiz jumys isteıdi. Ár 4-5 jyl saıyn tehnıkalyq tekserý júrgizilip, otyny almastyrylady. Sodan keıin stansa taǵy 5 jyl boıy úzdiksiz jumysyn jalǵastyrady. Osyndaı júıe arqyly biz eldi turaqty energıa kózimen qamtamasyz ete alamyz.