«AMANAT» partıasynyń bastamasymen AES týraly Halyqtyq shtab qurylyp, Álıhan Bókeıhan atyndaǵy ýnıversıtette atom elektr stansasyn salý máselesine qatysty talqylaý ótti.
Jıynǵa ǵalymdar, atom salasynyń mamandary jáne stýdentter qatysyp, AES salýdaǵy tehnologıanyń qaýipsizdigi men onyń áleýmettik-ekonomıkalyq aspektileri týraly suraqtarǵa jaýap aldy. Halyqtyq shtabtyń múshesi Almas Aıtmuqash kezdesýlerdiń maqsaty – aldaǵy jalpyulttyq referendýmǵa daıyndyq ekenin atap ótti.
Shtab músheleri respýblıkalyq referendýmnyń mańyzdylyǵy, AES qurylysy jáne atom energetıkasyn damytý perspektıvalary týraly aqparat berdi. Nurjan Ábdikárimov AES salýdyń qoǵamǵa paıdasyn túsindirip, eki yqtımal aýmaq – Abaı oblysyndaǵy Kýrchatov jáne Almaty oblysyndaǵy Úlken aýylyn atap ótti.
AES salý boıynsha qajetti qujattardy rásimdeý jumystary 5 jyl kóleminde júrgizilmek.