Brıtanıalyq sarapshylardyń paıymdaýynsha, aldaǵy 50-100 jyl ishinde álem tolyqtaı taza energıaǵa kóshedi.
Osyǵan baılanysty ıadrolyq energetıkaǵa kóshý óte mańyzdy.
Saımon Marshall — Dúnıejúzilik energetıkalyq kongrestiń ókili. Shtab-páteri Londonda ornalasqan bul uıymmen álemniń 100-ge jýyq memleketi jumys isteıdi. Kongrestiń basty maqsaty — energetıka salasynyń búgini men bolashaǵyn talqylaý úshin álem sarapshylaryn biriktirý, dep habarlaıdy aqshamnews.kz.
«Qazenerdjı» Qazaqstan munaı-gaz jáne energetıka kesheni uıymdarynyń qaýymdastyǵy da kongrespen tyǵyz jumys isteıdi.
Marshalldyń pikirinshe, atom elektr stansıasyn salýdyń kóptegen artyqshylyqtary bar:
«AES qurylysy kezinde jáne paıdalanýǵa berilgennen keıin jumys oryndary paıda bolady. Taza jáne senimdi energıa kózi energetıkalyq táýelsizdikke qol jetkizýge kómektesedi. Bul syrttan ákelinetin energıa kózderine qajettilikti azaıtady. Eń mańyzdysy — AES ekologıalyq taza energıa beredi», — deıdi Dúnıejúzilik energetıkalyq kongrestiń ókili Saımon Marshall.